James Foley
|
C'l artìcul chè 'l è scrit in
Miranduléś |
James Foley (New York, 28 ad Dicémbar dal 1953 - Los Angeles, 6 ad Maǵ dal 2025) 'l è stâ 'n regista americàṅ.
Biugrafìa
Foley al gira 'l sò prim film in dal 1984, Amare con rabbia cun Aidan Quinn. In chi an lè al gh'à anc la manéra 'd far al regìsta 'd soquànt vìddeo dla Madonna cuma Dress You Up, True Blue, Who's That Girl, The Look of Love e Live To Tell, braṅ druâ in dal 1986 in dla culòna sunóra dal sò secónd film A distanza ravvicinata candidâ a vìnsar 'l Ōrs 'd Òr a 'l 36śum Fèstival 'd Berlîṅ. In cla pelìcula chè, insém a Christopher Walken, a gh rècita anc Sean Penn, in alóra marè dla cantànta dal Mìchigan. 'L an dòp la Madonna in parsóna l'è la prutagunìsta dla sò palìcula Who's That Girl?, tìtul 'd un braṅ famóś dla cantànta.
In dal 1992 al lavóra cun Al Pacino (candidâ a i Prèmi Òscar cuma atōr minga prutagunìsta), Kevin Spacey, Jack Lemmon e Ed Harris in Americani.
In dla sò caréra 'l à laurâ anc par la televiśiòṅ, girànd soquànt epiśòdi di telefìlm I segreti di Twin Peaks, Hannibal e House of Cards - Gli intrighi del potere.
'L è mòrt a stant'un an p'r un cànc'r a 'l sarvèl.
Filmugrafìa
- 1984 - Amare con rabbia (Reckless)
- 1986 - A distanza ravvicinata (At Close Range)
- 1987 - Who's That Girl?
- 1990 - Più tardi al buio (After Dark, My Sweet)
- 1992 - Americani (Glengarry Glen Ross)
- 1995 - Un giorno da ricordare (Two Bits)
- 1996 - Paura (Fear)
- 1996 - L'ultimo appello (The Chamber)
- 1999 - The Corruptor - Indagine a Chinatown (The Corruptor)
- 2003 - Confidence - La truffa perfetta (Confidence)
- 2007 - Perfect Stranger
- 2017 - Cinquanta sfumature di nero (Fifty Shades Darker)
- 2018 - Cinquanta sfumature di rosso (Fifty Shades Freed)