Jack Reacher - La prova decisiva
|
C'l artìcul chè 'l è scrit in
Miranduléś |
 Jack Reacher | ||
| Jack Reacher - La prova decisiva | ||
 Raymond-James e Courtney in na figùra dal film | ||
| Jack Reacher - La próa deciśìva 2012 | ||
|---|---|---|
| Regìa: Christopher McQuarrie | ||
| Scritōr: Lee Child • Christopher McQuarrie | ||
| Atōr: Tom Cruise • Rosamund Pike Richard Jenkins • David Oyelowo • Jai Courtney Werner Herzog • Joseph Sikora • Alexia Fast Michael Raymond-James • James Martin Kelly Robert Duvall • Dylan Kussman • Josh Helman | ||
| Müsica: Joe Kraemer | ||
| Léngua: Ingléś | ||
| Dürä dal film: 130 minüt | ||
| Nasiōṅ: Stat Unî | ||
Jack Reacher - La prova decisiva (Jack Reacher - La próa deciśìva) 'l è 'n thriller 'd asiòṅ dal 2012 ad Christopher McQuarrie trat da 'l rumànś La prova decisiva ad Lee Child (2005). Al gh'à abû 'n séguit in dal 2016 da 'l tìtul Jack Reacher - Punto di non ritorno.
Custâ ssanta migliòṅ ad dòlar, al film al 'n à pò muciâ sù duśènt-daśdòt.
Sunt
A Pittsburgh in Pennsylvania sinc parsòni i vìnan cupàdi una adrē a cl'atra mént'r i s catàv'n in un parc darènt a 'n parchéǵ sōvraelevâ 'd in dua 'n franc tiradōr al gh'à sparâ cóntar. Al vitmi i èṅ lʼOline Archer (Susan Angelo), ch'la gh'à n'impréśa 'd custrusiòṅ, la baby sitter Chrissie Farrior (Julia Yorks), la Nancy Holt (Nicole Forester), na dóna cun di prubléma cun sò marè, la Rita Coronado (Delilah Picart), ch'la gh'iva da far un rigàl a sò fiōl, e Darren Sawyer (Joe Coyle), masâ méntar 'l éra sintâ su na panchìna c'n un mas ad róśi sèg.
Al detective Calvin Emerson (David Oyelowo) 'l è sicûr ch'al sasèṅ al sia 'n èx suldâ ch'l à tòlt part a la secónda guèra dal Gōlf, un sèrt James Barr (Joseph Sikora). Dòp èsar stâ arestâ, 'l óm al vîṅ interugâ da Emerson e da 'l prucuradōr distretuàł Alex Rodin (Richard Jenkins), famóś par cavàr-'g-la sèmp'r a far cundanàr a mòrt i sasèṅ ch'al manda a prucès, ma Barr al n diś gnint a part scrìvar su 'n fujét un nóm, Jack Reacher. Mént'r al vîṅ purtâ in parśòṅ, James al vîṅ piciâ da di àtar delinquènt, finénd in còma. A difénd'r-al a gh pénsa l'avucàta Helen Rodin (Rosamund Pike) ch'l'è anc la fiōla 'd Alex anc s'i rapòrt fra i dū i n èṅ briśa tant bèi.
A n sèrt punt a s fà viṿ Jack Reacher (Tom Cruise), 'n èx militàr ch'l à cgnusû Barr durànt la guèra e ch'al 'l iva vist cupàr un grup ad suldâ. Reacher 'l è sicûr che lò al sia dabòṅ al sasèṅ ma pò al capìs ch'a gh'è quèl ch'a traśa e che qualchidòṅ 'l à traplâ 'n piàṅ par dar-ag la cólpa e far-la franca.
Al sasèṅ al s ciàma Charlie (Jai Courtney) e 'l lavóra p'r un mémbar dla màfia rusa cgnusû cuma “Al Zec” (Werner Herzog). Dòp che Jack 'l à decìś ad jutàr la Helen in dal sò lavōr par dasquaciàr la véra, chi lōr dū i èṅ in perìcul.