Io rimango qui
|
C'l artìcul chè 'l è scrit in
Miranduléś |
 Gott, du kannst ein Arsch sein
| ||
| Io rimango qui | ||
 La Irslinger e Hubacher in na figùra dal film | ||
| Mè a 'rmàgn chè 2020 | ||
|---|---|---|
| Regìa: André Erkau | ||
| Scritōr: Katja Kittendorf Thomas Vass • Frank Pape | ||
| Atōr: Sinje Irslinger • Max Hubacher Til Schweiger • Heike Makatsch • Nuala Bauch Jürgen Vogel • Benno Fürmann • Jasmin Gerat | ||
| Müsica: Michael Regner | ||
| Léngua: Tedésc | ||
| Dürä dal film: 98 minüt | ||
| Nasiōṅ: Germàgna | ||
Io rimango qui (Mè a 'rmàgn chè) l'è na cumèdia dramàtica tedésca dal 2020 'd André Erkau trata da na stòria véra.
Sunt
A séd'ś an la Steffi Pape (Sinje Irslinger) la gh'à in prugràma dimóndi quèi da far in dla vita cuma dvintàr na pulisiòta, esénd ch'l'à péna fat dmanda, e 'd far un viàś cun la scōla a Parì insém a 'l sò muróś Fabian (Jonas Holdenrieder) ch'l'à prenutâ na cambra da par lōr par far sès par la prima vòlta.
Prima 'd partìr la śōvna la ricév la nutìsia ch'la n à minga pasâ gl'eśàm mèdag par lauràr in dla pulisìa esénd ch'la gh'à un brut càncar ch'a n s pōl gnanc curàr. La gh'à sōl soquànt méś ad vita, s'la taca la chémio subìt. La ragàsa la vrév far la vacànsa listés ma sò màdar Eva (Heike Makatsch) la gh pòrta via i ducumènt parchè la gh'à paùra ch'la pòsa avēr-ag dal criśi méntar l'è a 'l èstar. In dal méntar sò pàdar Frank (Til Schweiger), prēt prutestànt, al gh'iva cumpâ un pick-up vèć da mét'r a pòst. Al gh prumét ch'i faràṅ un viàś insém in Frància quànd lē l'arà tòlt la patènt.
La Steffi la decìd 'd andàr a Parì listés, ad nascòst da i sò genitōr e sénsa bèsi, cun 'l ajùt ad Stefan (Max Hubacher), un ragàs arvèrs ch'al fà di nùmar cun la mòta in dal cîrc ad sò pàdar (Jürgen Vogel).