Sesso bendato
|
C'l artìcul chè 'l è scrit in
Miranduléś |
 Blindfold: Acts of Obsession | ||
| Sesso bendato | ||
 Judd Nelson in na figùra dal film | ||
| Sès bindâ 1994 | ||
|---|---|---|
| Regìa: Lawrence L. Simeone | ||
| Scritōr: Lawrence L. Simeone • Jason Coleman | ||
| Atōr: Judd Nelson • Shannen Doherty Kristian Alfonso • Drew Snyder • Michael Woods Al Sapienza • George LePorte • Tara Buckman | ||
| Müsica: Shuki Levy | ||
| Léngua: Ingléś | ||
| Dürä dal film: 93 minüt | ||
| Nasiōṅ: Stat Unî | ||
Sesso bendato (Sès bindâ), cgnusû in Itàglia anc cuma Assassinio con le manette e In balia dell'assassino, 'l è 'n thriller eròtic americaṅ dal 1994 scrit e dirèt par Lawrence L. Simeone, girâ par la televiśiòṅ USA Network.
Sunt
[mudéfica la surzéia]La Madeleine (Shannen Doherty) l'è spuśàda da dū an cun Mike Dalton (Michael Woods) ma 'l sò matrimòni 'l è in criśi par via di prubléma ch'la còpia la gh'à sóta i linsōi. La dóna la próa a cuntàr tut a sò surèla pulisiòta, la Chris (Kristian Alfonso), sprand in un quàlc cunsìli ma lē l'è tròp impgnàda par jutàr-la dabòṅ. Par furtùna ch'al sò psicòlug, al dutōr Wendell Jennings (Judd Nelson), al gh'à ciapâ quànd al gh'à dit ad far di śuglèṅ malnét a lèt par śuntàr un po' 'd pév'r a 'l rapòrt.
In dal méntar ch'la Chris la s inamóra dal sò psicòlug, faghénd anc sès sèg in dal sò studi, al tenènt Alex Saunders (Drew Snyder) e la Chris i tàc'n invéci a interesàr-'s a 'l caś 'd un manìag ch'al s è mis a cupàr a scurtlàdi dal dóni a Santa Mònica dòp avēr-li bindàdi e tgnudi sòdi cun dal manéti. Sinc an prima un pasiènt dal dutōr Jennings, un sèrt Robert Aldrige, 'l éra suspetâ 'd avēr fat di masamènt cumpàgn prima 'd tōr-as la vita butànd-as śò p'r al pònt ad San Francisco anc se pò 'l sò còrp al n è mai stâ catâ. Dòp che n'atra sò pasiènta, la Brenda (Shell Danielson), l'è catàda mòrta masàda, la Chris la taca a pinsàr ch'a gh sia insaplâ dènt'r al dutōr Jennings.