Il tuo vizio è una stanza chiusa e solo io ne ho la chiave
C'l artìcul chè 'l è scrit in
Miranduléś |
![]() e solo io ne ho la chiave | ||
![]() La Strindberg e la Fenech in na figùra dal film | ||
Al tò visi 'l è na cambra saràda e sōl mè a gh'ò la ciàṿ 1972 | ||
---|---|---|
Regìa: Sergio Martino | ||
Scritōr: Luciano Martino • Sauro Scavolini (da 'l racònt "Al gat négar" 'd Edgar Allan Poe) | ||
Atōr: Dalila Di Lazzaro • Anita Strindberg Edwige Fenech • Luigi Pistilli • Ivan Rassimov Marco Mariani • Carla Mancini • Riccardo Salvino Enrica Bonaccorti • Ermelinda De Felice | ||
Müsica: Bruno Nicolai | ||
Léngua: Itagliàṅ | ||
Dürä dal film: 96 minüt | ||
Nasiōṅ: Itàglia |
Il tuo vizio è una stanza chiusa e solo io ne ho la chiave (Al tò visi 'l è na cambra saràda e sōl mè a gh'ò la ciàṿ) 'l è un film ad scarésa ad Sergio Martino dal 1972 ch'al tōś al tìtul da 'n bijét śuntâ a 'n mas da fiōr ch'al cumparìs a 'l minùt 31 in dal film Lo strano vizio della signora Wardh, sèmpar dal regìsta rumàṅ.
A 'l èstar 'l è cgnusû anc c'n i tìtui “Ton vice est une chambre close dont moi seul ai la clé” in Frància, “Your Vice Is a Locked Room and Only I Have the Key” in di Stat Unî e “Vicios prohibidos” in Spaggna.
Sunt
In dal Vènet, gl'abitànt dna vila i èṅ squasâ a séguit ad soquànt masamènt ch'i èṅ sucès in dal pòst. I suspèt i càscan subìt adòs a un scritōr alculiśâ e spurcaciòṅ, Oliviero Rouvigny (Luigi Pistilli), ch'al vōl bèṅ sōl a 'l sò gat négar ciamâ Satana, che na vòlta 'l éra ad sò màdar Ester prima ch'la murìs cupàda, e minga a sò mujér Irene (Anita Strindberg).
In cal mèntar a vèṅ masàda la camaréra ad culōr ch'la vèṅ muràda viva in cantìna. In dla cà 'd Oliviero a riva pò l'anvōda ad vint an, la Floriana (Edwige Fenech), ch'la dvénda l'amànta ad tut, 'd Oliviero, ad Dario (Riccardo Salvino), un śōvan ch'al gira in mòta, e anc ad sò sîna.
Chi lē, pîna 'd òdi in di cunfrònt ad sò marè, la gh taja la góla e pò la dà in cambi d'l òr a Floriana ch'la l'iva vduda cupàr 'l óm. Ma l’Irene la n s vōl minga farmàr-as lè anc s'la n à fat minga i cònt cun al gat.