Il tagliagole
|
C'l artìcul chè 'l è scrit in
Miranduléś |
 Le boucher | ||
| Il tagliagole | ||
 La Audran e Jean Yanne in na figùra dal film | ||
| Al tajagóli 1970 | ||
|---|---|---|
| Regìa: Claude Chabrol | ||
| Scritōr: Claude Chabrol | ||
| Atōr: Stéphane Audran • Jean Yanne Antonio Passalia • William Guérault Pascal Ferone • Mario Beccara • Roger Rudel | ||
| Müsica: Pierre Jansen | ||
| Léngua: Francéś | ||
| Dürä dal film: 93 minüt | ||
| Nasiōṅ: Frància • Itàglia | ||
Il tagliagole (Al tajagóli) 'l è 'n thriller dramàtic francéś e itagliàṅ dal 1970 scrit e dirèt par Claude Chabrol ambintâ in dla sitadìna 'd Trémolat in dal Périgord.
Sunt
LʼHélène (Stéphane Audran) l'è na mistra dna scóla elementàra, Popaul (Jean Yanne) invéci al fà 'l maslàr. Un dè i dū s cgnós'n a 'n matrimòni e i tàc'n a frequentàr-as. Durànt un gir in di bòsc par catàr sù di funś, 'l óm al gh admànda al parchè la sia incóra puta e lē la gh rispónd che soquànt an prima la gh'à abû na stòria 'd amōr ch'la l'à fata patìr dimóndi. Da 'l cant suo Popaul al gh cònta di brut fat ad scarésa ch'l à vist in Inducìna e in Algerìa in tèmp ad guèra.
In cal mént'r in paéś i vìnan catàdi mòrti masàdi dó dóni. Darènt a 'n cadàvar a salta fóra 'n impìsa-fōg cumpàgn a qvél che lē la gh'iva regalâ. Invéci 'd andàr da la pulisìa, lʼHélène la 'l pòrta a cà lē, avénd paùra che Popaul a gh pòsa entràr-ag quèl.
In séguit la mistra la s fà pituràr la cambra da lò. Durànt i lavōr, al maslàr al cata 'l impìsa-fōg e al s al mét in bisàca purtànd-al via. Quànd lʼHélène la fà a mènt che c'l ugèt lè 'l è sparî dòp che Popaul 'l è andâ via, la capìs che lò al sà che lē la sarév bòna ad batśàr-al cuma 'l sasèṅ e la taca a 'vēr paùra.