Il signore e la signora Smith
|
C'l artìcul chè 'l è scrit in
Miranduléś |
 Mr. & Mrs. Smith | ||
| Il signore e la signora Smith | ||
 Montgomery e la Lombard in na figùra dal film | ||
| Al sgnōr e la sgnōra Smith 1941 | ||
|---|---|---|
| Regìa: Alfred Hitchcock | ||
| Scritōr: Norman Krasna | ||
| Atōr: Carole Lombard • Robert Montgomery Gene Raymond • Jack Carson • Philip Merivale Lucile Watson • William Tracy • Charles Halton Esther Dale • Emma Dunn • Betty Compson | ||
| Müsica: Edward Ward | ||
| Léngua: Ingléś | ||
| Dürä dal film: 95 minüt | ||
| Nasiōṅ: Stat Unî | ||
Il signore e la signora Smith (Al sgnōr e la sgnōra Smith) l'è na cumèdia dal 1941 giràda in biànc e négar 'd Alfred Hitchcock, in prèst a la RKO.
Custàda in alóra setsènt-quarantamìla dòlar, la pelìcula la 'n à fat sù un migliòṅ e quàtar.
Sunt
'L avucàt David Smith (Robert Montgomery) e lʼAnn Krausheimer (Carole Lombard) i èṅ spuśâ da tri an a 'l incìrca. Al matrimòni al và bèṅ anc se na quàlc vòlta la còpia la litga, in tut al manéri na règla ch'i s èṅ dâ l'è qvéla 'd armàgn'r insém listés, sénsa andàr via, in fîṅ tant ad risòlv'r al prubléma. Un dè a s preśénta in ufìsi da David al nutàr Harry Deever (Charles Halton) ch'al gh diś che p'r un visi 'd fórma, al matrimòni al n è minga vàlid, dònca a gh sarév da selebràr-'l incóra.
Da cal mumènt lè al rapòrt fra i dū spóś al ciàpa nabruta piga parchè tut dū i s gòdan la libertà rivàda a 'l impruvìś cuma s'i fùs'n incóra put. La dóna la taca a frequantàr Jeff Custer (Gene Raymond), sòci ad sò marè e sò cumpàgn ad scóla ad quànd l'éra na ragàsa, méntar lò al s divertìs cun dal dunàsi cgnusùdi ad nòt in di lucài. LʼAnn la taca a èsar gelóśa ma la fà da tut p'r a n far-al védar méntar lò, vlénd-la cunquistàr incóra, al taca a star-'g adòs dvintànd dimóndi pēś.