Il postino suona sempre due volte (film 1981)
|
C'l artìcul chè 'l è scrit in
Miranduléś |
 The Postman Always Rings Twice
| ||
| Il postino suona sempre due volte | ||
.png) La Jessica Lange e Nicholson in na figùra dal film | ||
| Al pustèṅ al sòna sèmpar dū vòlti 1981 | ||
|---|---|---|
| Regìa: Bob Rafelson | ||
| Scritōr: James M. Cain • David Mamet | ||
| Atōr: Jessica Lange • Jack Nicholson Anjelica Huston • John Colicos • Michael Lerner John P. Ryan • William Traylor • Thomas Hill Glenn Shadix • Christopher Lloyd • Jon Van Ness | ||
| Müsica: Michael Small | ||
| Léngua: Ingléś • Grèc | ||
| Dürä dal film: 122 minüt | ||
| Nasiōṅ: Stat Unî • Germàgna | ||
Il postino suona sempre due volte (Al pustèṅ al sòna sèmpar dū vòlti) 'l è 'n film dal 1981 ad Bob Rafelson trat da 'l rumànś dal 1934 The postman always rings twice ad James M. Cain bèla purtâ a 'l cìnema minga ufisialmènt tri an prima par Luchino Visconti cun Ossessione. 'L è stâ girâ a Santa Bàrbara (Califòrgna) e pò preśentâ fóra cuncōrs a 'l 34śum Fèstival ad Cannes.
A s trata d'n arfacimènt dna pelìcula dal 1946 c'n al stés tìtul, giràda par Tay Garnett cun prutagunìsta la Lana Turner e John Garfield.
Custâ dódas migliòṅ ad dòlar, al film al 'n à pò muciâ sù da piò ad quarànta-quàtar.
Sunt
Al vagabónd bòṅdagnìnt Frank Chambers (Jack Nicholson) al finìs in un bar in dla campàggna dla Califòrgna. Chè al cgnós al pruprietàri dal lucàl, Nick Papadakis (John Colicos), e sò mujēr dimóndi più śōvna, la Cora Smith (Jessica Lange). 'L óm al gh śibìs ad lauràr par lò cuma mecànig in dla stasiòṅ 'd servìsi culegàda a 'l bar, in du i s férman dimóndi camiunìsta.
Frank al gh astà e pò al taca praticamènt subìt na relasiòṅ cun la dóna ch'la n s cumpatìs piò sò marè. Quànd Nick al n gh'è minga, lì lōr dū i gùsan cuma dū nimài su la tavla dal risturànt.
Un dè la Cora la dmanda a 'l sò amànt ad cupàr Nick, in manéra ad tacàr na vita insém e ad ciapàr i bèsi dl'asicurasiòṅ. Dòp un prim tentatìṿ andâ mâł, la còpia la decìd ad pruàr a masàr-'l in 'incidènt stradàł.