Il più bel casino del Texas

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Best Little Whorehouse
in Texas
Il più bel casino del Texas
Più bel casino del Texas.png
La Dolly Parton in na figùra dal film
Al caśèṅ più bèl dal Tèxas
1982
Regia: Colin Higgins
Scritùr: Larry L. King
Peter Masterson • Colin Higgins
Atùr: Burt ReynoldsDolly PartonDom DeLuise
Charles DurningJim NaborsLois Nettleton
Müsica: Carol Hall • Patrick Williams
Lengua: Ingléś
Dürä dal film: 114 minüt
Nasiòṅ: Stat Unî


«
Un divertimènt dal tut... minga lècit!»
(Tagline dal film)


Il più bel casino del Texas (Al caśèṅ più bèl dal Tèxas) l'è na cumèdia “musical” dal 1982 ad Colin Higgins, adatamènt 'd un spetàcul ad Broadway dal 1978 c'n al stés nóm.

Charles Durning, par la part dal guvernadōr, 'l è stâ numunâ a i Prèmi Òscar dal 1983 cuma atōr minga prutagunìsta méntar la cantànta Dolly Parton, ch'la fà la part dla capa dal putàni dal caśèṅ druànd par dabòṅ un nóm ch'l è tut un prugràma, Miss Mona, l'è stada candidàda a i Golden Globes acsè cuma la pelìcula.

In alóra al film 'l è stâ girâ c'n un budget ad vint migliòṅ e mèś ad dòlar faghénd-an pò sù dagnóra stanta. A la fiṅ dal film la Parton la canta a Reynolds 'l sò pès I Will Always Love You, in séguit dvintâ incóra più famóś par l'arfacimènt ch'la gh'à fat la Whitney Houston par la pelìcula Guardia del corpo dal 1992.

Sunt

Ed Earl Dodd (Burt Reynolds) al fà 'l sierìf in na sitadìna dal Tèxas e dal vòlti al s véd cun la sò amànta pruprietària 'd un burdèl ciamâ Chicken Ranch, la Mona Stangley (Dolly Parton), dita Miss Mona. Da cal caśèṅ lè i gh pàsan tut i óm dla cuntèa da i tèmp dla prima guèra mundiàla, da 'l senadōr Wingwood (Robert Mandan) a na squàdra 'd Fùtbol Americàṅ ch'la gh'à da festegiàr na vìnsida impurtànta.

Un dè a riva in sità un persunàǵ televiśìṿ dal New Jersey, Melvin P. Thorpe (Dom DeLuise), ch'l è sòlit far di predicòs in dal sò traśmisiòṅ e 'l taca a dar adòs a 'l Chicken Ranch par far-al saràr. Ed, su presiòṅ di sò cap, al próa a guardagnàr dal tèmp dmandànd a la Mona ad tgnir sarâ par dū stmani ma lē la và avànti listés. Quànd Melvin al tira na trapla a la dóna faghénd un servìsi a surpréśa da 'l intéran dla cà, al ròbi i s fànan difìcili purasâ.

Par jutàr la sò dóna, Ed al decìd 'd andàr a Austin a dmandàr 'l apòǵ dal guvernadōr dal stat (Charles Durning).

Culegamènt estéran