Il nome della rosa (film)
|
C'l artìcul chè 'l è scrit in
Miranduléś |
 The Name of the Rose | ||
| Il nome della rosa | ||
.png) Slater e Connery in na figùra dal film | ||
| Al nóm dla róśa 1986 | ||
|---|---|---|
| Regìa: John Harrison | ||
| Scritōr: Umberto Eco • Andrew Birkin Gérard Brach • Howard Franklin • Alain Godard | ||
| Atōr: Sean Connery • Christian Slater Helmut Qualtinger • Elya Baskin • Volker Prechtel Michael Lonsdale • William Hickey • Urs Althaus Fëdor Fëdorovič Šaljapin • Kim Rossi Stuart Michael Habeck • Ron Perlman • Valentina Vargas | ||
| Müsica: James Horner | ||
| Léngua: Ingléś | ||
| Dürä dal film: 130 minüt | ||
| Nasiōṅ: Itàglia • Germàgna Òvest • Frància | ||
Il nome della rosa (Al nóm dla róśa) 'l è 'n śal dal 1986 ad Jean-Jacques Annaud, trat da 'l rumànś umònim 'd Umberto Eco dal 1980.
'L à fat sù da piò ad stanta-sèt migliòṅ ad dòlar, specialmènt in Európa, a frònt 'd un cóst ad darsèt e mèś.
Sunt
[mudéfica la surzéia]In d'l an 1327 in un munastēr dl'Eltitàglia soquànt religióś i vìnan catâ mòrt, tut cun la léngua 'd un culōr négar. Al cérag Abbone da Fossanova (Michael Lonsdale) al dmanda a 'l frâ franséscàṅ Gugliélum da Baskerville (Sean Connery), c'n un pasâ da inquiśidōr e rivâ lè da pôc insém a 'l nuvìsi śōvan Adso da Melk (Christian Slater), ad catàr al respunsàbil ma dimóndi mònag i gh'èṅ cóntar.
Gugliélum al cgnós subìt al vèć òrub Jorge da Burgos (Fëdor Fëdorovič Šaljapin) e 'n mònag che na vòlta al fava part 'd un grup 'd erètic, Salvadōr (Ron Perlman), mént'r al próa a far luś su i masamènt ad Délmo (Lars Jorgenson) e 'd Venànsi (Urs Althaus), ch'i ér'n amìg. In séguit a vîṅ cupâ anc 'l ajùt bibliutecàr Berengàri (Michael Habeck), un budlòṅ catâ andgâ in na vasca da bagn.
Gugliélum al fà a mènt a na nòta dal bibliutecàr in du a gh'è scrit al nùmar 'd un lìbar pruibî ch'l interesàva a Délmo e che lò al gh'iva ślungâ in cambi ad favōr sesuài.