Il Gladiatore
|
C'l artìcul chè 'l è scrit in
Miranduléś |
 Gladiator
| ||
| Il gladiatore | ||
.png) Russell Crowe in na figùra dal film | ||
| Al gladiadōr 2000 | ||
|---|---|---|
| Regìa: Ridley Scott | ||
| Scritōr: William Nicholson David Franzoni • John Logan | ||
| Atōr: Russell Crowe • Richard Harris • Oliver Reed Joaquin Phoenix • Connie Nielsen • Derek Jacobi Djimon Hounsou • John Shrapnel • Tomas Arana David Schofield • Ralf Moeller • David Hemmings | ||
| Müsica: Lisa Gerrard • Hans Zimmer | ||
| Léngua: Ingléś | ||
| Dürä dal film: 155 minüt | ||
| Nasiōṅ: Stat Unî • Régn Unî | ||
Il gladiatore (Al gladiadōr) 'l è 'n film stòric dal 2000 ad Ridley Scott, candidâ a dódas Prèmi Òscar e vinsidōr in sinc: “film”, “atōr prutagunìsta” (Russell Crowe), “custùm”, “sunôr” e “efèt speciài”.
'L è custâ sènt-déś migliòṅ ad dòlar ma 'l è stâ bòṅ ad far-an sù da piò ad quatarsènt-ssantasìnc. Al gh'à abû un séguit in dal 2024 da 'l tìtul Il gladiatore II.
In dal méntar che Scott 'l éra drē a giràr soquànti séni a Malta, 'l atōr Oliver Reed 'l è mòrt a 'l impruvìś 'd infàrt prima 'd firìr al sò parti. Par srar al film la prudusiòṅ l'è stada custréta a spéndar tri migliòṅ e dū ad dòlar par far al ripréśi ch'i gh mancàvan, druànd di efèt speciài śuntànd la ghigna d'l atōr ingléś a 'l còrp dna cóntar-figùra tòlta śò a l'òra.
Sunt
'L imperadōr rumàṅ Marc Auréli (Richard Harris), dvintâ vèć e stuf, al decìd al numinàr par la sò sucesiòṅ al generàł Màsim Dècim Merìdi (Russell Crowe) ch'l éra stâ bòṅ ad bàtar di bàrbar in Germàgna. Sò fiōl Còmmad (Joaquin Phoenix), ch'l è 'n bòṅdagnìnt, al n è minga 'd acòrd e 'l strulga 'n piàṅ par métar fóra śōg al sò rivàl, masànd i mémbar dla sò famìja.
Màsim al gh la cava a scapàr in Àfrica ma lè al vîṅ cumprâ da Pròxim (Oliver Reed) cuma séruv p'r andàr a cumbàtar in dl'aréna da gladiadōr.