Dr. Jekyll e Mr. Hyde (film 1941)
|
C'l artìcul chè 'l è scrit in
Miranduléś |
 Dr. Jekyll and Mr. Hyde | ||
.png) Spencer Tracy la Turner in na figùra dal film | ||
| Dr. Jekyll e Mr. Hyde 1941 | ||
|---|---|---|
| Regìa: Victor Fleming | ||
| Scritōr: John Lee Mahin • Robert Louis Stevenson Percy Heath • Samuel Hoffenstein • Paul Osborn | ||
| Atōr: Spencer Tracy • Ingrid Bergman • Lana Turner Donald Crisp • Ian Hunter • Barton MacLane C. Aubrey Smith • Peter Godfrey • Sara Allgood | ||
| Müsica: Franz Waxman | ||
| Léngua: Ingléś | ||
| Dürä dal film: 121 minüt | ||
| Nasiōṅ: Stat Unî | ||
Dr. Jekyll e Mr. Hyde (id.) 'l è 'n film ad scarésa dal 1941 in biànc e nég'r ad Victor Fleming trat da 'l long seller Lo strano caso del dottor Jekyll e del signor Hyde scrit in dal 1886 par Robert Louis Stevenson. A s trata d'n arfacimènt dna pelìcula dal 1931, Il dottor Jekyll, cun Fredric March e la Miriam Hopkins cuma prutagunìsta.
Custâ un migliòṅ e òṅ ad dòlar, al 'n à pò purtâ a cà dū e tri. 'L è anc stâ candidâ a tri Prèmi Òscar (muntàǵ, futugrafìa e culòna sunóra) armagnénd però a bèc sut.
Sunt
[mudéfica la surzéia]Al dutōr e siensiâ Henry Jekyll (Spencer Tracy) 'l è impgnâ in soquànt esperimènt par pruàr a divìd'r al bèṅ da 'l mâł in dal parsòni, un quèl ch'a n piàś minga tant a i sò culéga cuma 'l dutōr Hastie Lanyon (Ian Hunter), sò amìg. Jekyll 'l è 'l muróś dla Beatrice (Lana Turner), fiōla 'd Sir Charles Emery (Donald Crisp), anc lò cuntràri a 'l sò idéi radicàli.
Dòp avēr pruâ cun sucès 'n sò sèr su dal bèsti, al decìd ad védar s'al fiunióna anc su i óm cuma 'n sèrt Higgins (Barton MacLane) ch'l è mat. Rivâ a 'l uśdàł in du 'l è in cura, al vîṅ a savēr però ch'l è bèla mòrt. Henry al decìd ad pruàr al sèr su 'd lò e al s trasfórma in dal sò alter ego catìṿ, Mr. Edward Hyde, prima 'd bév'r al cóntarvlèṅ par turnàr nurmàł.
In séguit Jekyll, incóra sóta 'l efèt dal sèr, al s pòrta a cà na camaréra ciamàda Eva Peterson (Ingrid Bergman), méntar la sò muróśa l'è via p'r un viàś cun sò pàdar. Purtròp c'n al pasàr dal tèmp al dutōr al n è più bòṅ ad cuntrulàr al sò trasfurmasiòṅ.