Il colore del crimine
|
C'l artìcul chè 'l è scrit in
Miranduléś |
 Freedomland | ||
| Il colore del crimine | ||
 Samuel L. Jackson in na figùra dal film | ||
| Al culōr dal crìmin 2006 | ||
|---|---|---|
| Regìa: Joe Roth | ||
| Scritōr: Richard Price | ||
| Atōr: Samuel L. Jackson • Julianne Moore Edie Falco • Aunjanue Ellis • William Forsythe Ron Eldard • Anthony Mackie • Aasif Mandvi Domenick Lombardozzi • Haneefah Wood Clarke Peters • LaTanya Richardson Jackson | ||
| Müsica: James Newton Howard | ||
| Léngua: Ingléś • Itagliàṅ | ||
| Dürä dal film: 113 minüt | ||
| Nasiōṅ: Stat Unî | ||
Il colore del crimine (Al culōr dal crìmin) 'l è 'n film dramàtic americàṅ dal 2006 ad Joe Roth.
La pelìcula l'è custàda trénta migliòṅ ad dòlar ma la 'n à frutâ sōl quatórd'ś e sèt.
Sunt
[mudéfica la surzéia]Na mistra c'n un pasâ da drugàda ma ch'adès l'inséggna in na scóla pîna 'd putèṅ ad culōr, la Brenda Martin (Julianne Moore), na nòt la finìs a 'l prònt sucōrs cun di taj a 'l maṅ dgénd ch'un négar al gh'à purtâ via la sò màchina méntar lē l'éra drē a turnàr a cà. A riva lè 'l agìnt Lorenzo Council (Samuel L. Jackson) par na sò dichiarasiòṅ su 'l crìmin e la dóna la taca a piànśar dgénd ch'in dal pòst dadrē a gh'éra sò fiōl pìcul ad quàt'r an, Cody (Marlon Sherman), ch'al durmìva. Lorenzo al próa a far-as cuntàr da piò ma la Brenda la fà fadìga a dascórar. In cal mént'r a 'l uśdàł a riva anc Danny (Ron Eldard), pulisiòt anca lò e fradèl dla vitma, ch'al taca na guèra cóntar la gint dal quartēr, dagnóra tut négar, cardénd ch'in mèś a lōr a gh sia 'l culpévul.
La pulisìa la taca a pascàr al putèṅ dapartùt ma dòp un dè chi lò al n salta minga fóra, dònca 'l è difìcil ch'al làd'r al 'l àppia lasâ andàr, 'l è più fàcil ch'al 'l àppia cupâ. A s fà avànti un grup ad dóni vuluntàri par jutàr in dal pascàr al baghét, andànd a véd'r in di parc e in 'n urfanutròfi bandunâ. La respunsàbila dal grup, la Karen Collucci (Edie Falco), chl'iva patî un lut dal gènar in pasâ, la gh la cava a far dir a la Brenda che Cody 'l è mòrt e che lē la 's éra invintàda incòsa par quaciàr al fat. Tut al siri la mistra l'andàva a gusàr cun Billy (Anthony Mackie) dand dal siròp par la tós a sò fiōl par far-al star bòṅ méntar lē l'éra via. La sira ch'l è mòrt, Cody 'l iva vudâ tuta la butìlia, pardénd la vita.