Il cacciatore di donne
|
C'l artìcul chè 'l è scrit in
Miranduléś |
 The Frozen Ground | ||
| Il cacciatore di donne | ||
 La Vanessa Hudgens in na figùra dal film | ||
| Al casadōr ad dóni 2013 | ||
|---|---|---|
| Regìa: Scott Walker | ||
| Scritōr: Scott Walker | ||
| Atōr: Nicolas Cage • John Cusack • Robert Forgit Vanessa Hudgens • Dean Norris • Gia Mantegna Brad William Henke • Ryan O'Nan • Kevin Dunn 50 Cent • Michael McGrady • Katherine LaNasa | ||
| Müsica: Lorne Balfe | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî | ||
Il cacciatore di donne (Al casadōr ad dóni) 'l è 'n film pulisiésc americàṅ dal 2013 scrit e dirèt par Scott Walker ch'al fà riferimènt a la vita dal masadōr seriàł Robert Hansen, dit al “maslàr furnàr”, ch'in di an Stanta e Utànta 'l iva rapî e cupâ almànc darsèt dóni a Anchorage e dintóran.
Custâ dagnóra vint migliòṅ ad dòlar, al film al 'n à fat pò sù sinc e siē.
Sunt
[mudéfica la surzéia]Quànd in na cambra 'd un mutèl in Alàska a vîṅ catàda in làgarmi cun dal manéti a 'l pōls la Cindy Paulson (Vanessa Hudgens), na śuvnòta ch'la fà la putàna par vìvar, la pulisìa la taca a far-ar dal dmandi par capìr cuśa 'l è sucès. La ragàsa la cònta ch'l'éra stada rapìda e viulentàda par di dè da òṅ di sò cliènt, un sèrt Robert Hansen (John Cusack), e che lē la gh l'à cavàda a scapàr via quànd lò al la vliva far muntàr su 'n aparéć Bush. Gl'agìnt i tàc'n a far di indàśin ma i n crédan mia a la rója parchè chi lē l'iva cuntâ soquànti bali e anc parchè Hansen, furnàr spuśâ cun la Fran (Katherine LaNasa) e pàd'r ad famìja, al gh'iva 'n àlibi cunfirmâ da tré parsòni.
'L agìnt ch'l'à salvâ la Cindy, Gregg Baker (Ryan O'Nan), 'l è arliâ da 'l fat ch'al caś al sia stâ sarâ acsè in présia, ad nascòst al manda al dossier a n'atra diviśiòṅ ch'al finìs acsè a 'l sergînt Jack Halcombe (Nicolas Cage), agìnt ch'l è impgnâ a far luś su la mòrt dn'atra śōvna, na balarìna catàda saplìda in un sit spardû in di bòsc lung la còsta. 'L óm, ch'l iva prumìs a sò mujēr Allie (Radha Mitchell) ad dar-'g un taj cun cal mistēr lè par tacàr a lauràr in d'l àmbit dl'estrasiòṅ dal petròli, al fà di culegamènt cun dal sparisiòṅ ad ragàsi śōvni in chi an lè a Anchorage e dintóran, specialmènt dòp avēr dascōrs cun la Cindy. Chi lē la tórna a bàtar, finénd a lauràr in un strip club sóta la prutesiòṅ ad Clate Johnson (50 Cent).
In cal méntar Hansen, dòp avēr rapî e viulentâ n'atra ragàsa, la Debbie Peters (Gia Mantegna), al la pòrta in aparéć in na furèsta spardùda. Chè al taca 'l sò sòlit śōg ad lasàr-la libra par pò cùrar-'g adrē c'n un sćiòp, cum s'al fus a casa. Dòp avēr-la cupàda, al gh pòrta via na cadnìna, da tgnir dacàt p'r arcurdàr-as cal mumènt lè. Adès però al gh'à 'l prubléma dla Cindy ch'la prév testimuniàr cónt'r ad lò.