Il bacio della tarantola

Da Wikipedia.

C'l artìcul chè 'l è scrit in Miranduléś Emiliàn

Kiss of the Tarantula
Il bacio della tarantola

La Suzanna Ling in na figùra dal film
Al baś dla taràntla
1976
Regìa: Chris Munger
Scritōr: Daniel Cady • Warren Hamilton Jr.
Atōr: Suzanna LingErnesto MaciasJay Scott
Herman WallnerLinda SpatzPatricia Landon
Beverly EddinsRita FrenchRon Prather
Müsica: Phillan Bishop
Léngua: Ingléś
Dürä dal film: 85 minüt
Nasiōṅ: Stat Unî


«
Acsè silensióśa, acsè murtàla, acsè finàla.»
(Tagline dal film)


Il bacio della tarantola (Al baś dla taràntla) 'l è 'n film ad scarésa dal 1976 ad Chris Munger girâ in Geòrgia c'n un budget ad duśènt-mila dòlar a 'l incìrca.

A 'l èstar 'l è cgnusû cuma “Der Kuss der Tarantel” in Germàgna, “O Beijo da Tarântula” in Purtugàl e “Le baiser de la tarentule” in Frància.

Sunt

La Martha Bradley (Beverly Eddins) la n in pōl piò ad vìvar cun cal becamòrt ad sò marè John (Herman Wallner) e cun sò fiōla Susan (Rebecca Eddins) ch'anc s'la gh'à sōl déś an la pénsa sōl a tiràr sù di ragn in cantìna. La trapla acsè ad far fóra sò marè par tacàr na vita nóva insém a 'l sò amànt Walter (Eric Mason) ch'al fà 'l pulisiòt e ch'l è anc sò cugnâ esénd al fradèl ad John. La stmana prima d'l umisìdi però la putìna la scólta 'l piàṅ di dū a 'l telèfun e acsè la mét na taràntla in dal lèt ad sò màdar. Quànd chi lē la s déśda, a gh vèṅ un cōlp e la mōr.

Dvintànda na bèla ragasōla, la Susan (Suzanna Ling) la taca a 'ndàr a scōla, cun sò sîn ch'al gh buta gl'òć adòs. Na nòt di sò cumpàgn ad scōla i la vaṅ a catàr par purtàr-ag via na casa da mòrt p'r un schèrs ch'i gh'aṅ da far. Quànd i véd'n al sò alevamènt ad taràntli, i decìd'n ad masàr-'n una, cun la Susan ch'la gh in prumét. Na sira, méntar lōr i fàn'n i purcùs in màchina in un drive in, lē la mòla soquànti taràntli lè dèntar e tri śuvnòt i gh làs'n al péni, Bob (Ron Prather), Eric (Stratton Leopold) e la Tracy (Linda Spatz). A s salva sōl la Joan Murphy (Rita French) che però la finìs a 'l uśdàł in un stat catatònic.

La Nancy Drury (Patricia Landon) e Wayne Richards (William Guhl), dū dal grup, i èṅ sicûr ch'a gh sia insaplàda la Susan e 'l ragàs al gh śibìs 'd adàr sèg a véd'r un film ma sōl par dmandàr-ag cuś l'à fat a i sò amìg. Lē la scapa via ma pò al gh la fà pagàr druànd dal taràntli cónt'r ad lò par cupàr-al. La Nancy la próa a cuntàr incòsa a Walter ma a n è pròpria minga na bèla pinsàda.

Culegamènt estéran