Ian Astbury

C'l artìcul chè 'l è scrit in Miranduléś

«

I wanna live in a city where the air is clean, where people laugh all day and share their dreams, I can't hold back the tears of all the things I've seen like endless waves on an empty beach, why are you shouting, you know I can hear you, brother is fighting, sister is crying.»

(EN)(Brother fights, 1996)

«

A vój vìv'r in na sità in dua l'ària l'è pulìda, in dua la gint la rid tut al dè e la divìd cun chi àtar i sò sógn, a n gh la câṿ minga a tratgnìr al làgarmi par tut al ròbi ch'a-j-ò vdû cuma óndi infinìdi su na riva vōda, parcòśa sē't drē a sigàr? At sà ch'a t sènt, al fradèl 'l è drē a litgàr, la surèla l'è drē a piànśar.»

(MIRND)

Ian Astbury (Heswall, 14 ad Maǵ dal 1962, a s lèś [ˈiːən ˈæstbəri] in ingléś) 'l è 'n cantànt ingléś, leader di The Cult insém a 'l chitarìsta Billy Duffy. Al grup 'l à publicâ soquànt àlbum ad sucès in di an Utànta cuma Love (1985), Electric (1987) e Sonic Temple (1989).

Da par lò 'l à fat vgnir fóra un disc in dal 1996 c'n al sò grup Holy Barbarians, Cream, e 'n àt'r in dal 2000 ciamâ Spirit\Light\Speed. Durànt i an Dumìla 'l à anc cantâ insém a i The Doors, cun Ray Manzarek a 'l tastéri e Robby Krieger a la chitàra, faghénd sèg sènt-sinquànta cuncèrt a 'l incìrca. Fra 'l sò culaburasiòṅ a 'rcurdém qvéli dal 2000 p'r i braṅ cun lò a la vōś Ghost (dal disc sulìsta ad Slash) e Flame On (ch'al s cata in d'l àlbum Iommi ad Tony Iommi).

Discugrafìa

Àlbum c'n i The Cult

1984 - Dreamtime
1985 - Love
1987 - Electric
1989 - Sonic Temple
1991 - Ceremony
1994 - The Cult
2001 - Beyond Good and Evil
2007 - Born into This
2012 - Choice of Weapon
2016 - Hidden City
2022 - Under the Midnight Sun

Àlbum c'n i Holy Barbarians

1996 - Cream

Àlbum da par lò

2000 - Spirit\Light\Speed

Culegamènt estéran

(IT) La sò paśna su 'l IMDb