I Fantastici 4 (film)
|
C'l artìcul chè 'l è scrit in
Miranduléś |
 Fantastic Four | ||
| I Fantastici 4 | ||
.png) Chris Evans in na figùra dal film | ||
| I Quàtar Fantàstic 2005 | ||
|---|---|---|
| Regìa: Tim Story | ||
| Scritōr: Stan Lee • Jack Kirby Mark Frost • Michael France | ||
| Atōr: Ioan Gruffudd • Jessica Alba • Chris Evans Michael Chiklis • Julian McMahon • Laurie Holden Hamish Linklater • Kerry Washington • David Parker | ||
| Müsica: John Ottman | ||
| Léngua: Ingléś | ||
| Dürä dal film: 106 minüt | ||
| Nasiōṅ: Stat Unî • Cànada • Germàgna | ||
I Fantastici 4 (I Quàtar Fantàstic) 'l è 'n film fantàstic americàṅ, canadéś e tedésc dal 2005 ad Tim Story trat da i persunàǵ di fumét dla Marvel Comics creâ in dal 1961 par Stan Lee e par Jack Kirby. Al gh'à abû 'n séguit in dal 2007 da 'l tìtul I Fantastici 4 e Silver Surfer.
Custâ fra i utànta-sèt e i sènt migliòṅ ad dòlar, al film al 'n à pò purtâ a cà tarśènt-tréntatri.
Sunt
[mudéfica la surzéia]Al siensiâ Reed Richards (Ioan Gruffudd), insém a 'l sò amìg ad sèmpar Ben Grimm (Michael Chiklis), a la sò muróśa Sue Storm (Jessica Alba) e a 'l fradèl più śōv'n ad chi lē, Johnny (Chris Evans), al partìs p'r un viàś sperimentàł in dal spasi. Esénd però ch'al raś al n è minga schermâ abàsta da i raś còśmic, i quàt'r astrunàuta i vìnan bumbardâ da 'l radiasiòṅ ch'i gh dànan di putēr speciài. Reed (Sgn. Fantàstic) 'l è bòṅ ad ślungàr al sò còrp cuma 'n elàstic, Ben (Al Quèl) al s trasfórma in 'n èsar cun la pèl ad maśàgna e dimóndi fòrsa, la Sue (Dóna Inviśìbla) la pōl dvintàr inviśìbla o generàr di camp ad fòrsa méntar Johnny (Tòrsa Umàna) 'l è bòṅ 'd impisàr-as cuma na vampa 'd fōg psénd anc vulàr. Insém i dànan vita a 'n grup ciamâ i „Quàtar Fantàstic“ a 'l servìsi dal gèn'r umàṅ.
Insém i gh'aṅ da cumbàt'r i piàṅ ad Victor Von Doom (Julian McMahon), 'n èx cumpàgn 'd università ad Reed ch'al vōl cunquistàr al mónd faghénd-as ciamàr Dutōr Destîṅ.