Helene Stanton
|
C'l artìcul chè 'l è scrit in
Miranduléś |
L’Eleanor Mae Stansbury, cgnusùda méj cuma Helene Stanton (Filadèlfia, 4 ad Nuvémbar dal 1925 - Pasadena, 7 ed Śugn dal 2017, a s lèś [həˈliːn ˈstæntən] in ingléś), l'è stada n'atōra e cantànta americàna.
Da pìcula l'à studiâ 'l balét clàsic par pò tacàr a studiàr cant a tréd'ś an. In séguit la s è misa a cantàr in soquànti òvri e uvréti lìrichi cuma La védva alégra ad Franz Lehár e Al papastrèl ad Johann Strauss par pò pasàr a la mùśica pupulàra faghénd anc un tour a Las Vegas cun Frank Sinatra e pò òṅ insém a Jimmy McHugh.
In di an Sinquànta l'à girâ anc soquànt film a Hollywood tacànd da 'l noir Confessione di una ragazza (1953) in dla part dla muróśa dal delinquènt Hugo Haas. Dū an dòp a l'ém vista in La polizia bussa alla porta, cun prutagunìsta Cornel Wilde, e in d'l aventuróś La valle degli uomini luna in di pagn dna prevòstra dna tribù salvàdga 'd pigméo.
Filmugrafìa
- 1953 - Confessione di una ragazza (One Girl's Confession), regìa 'd Hugo Haas
- 1955 - La polizia bussa alla porta (The Big Combo), regìa ad Joseph Lewis
- 1955 - Rivolta al molo n° 6 (New Orleans Uncensored), regìa ad William Castle
- 1955 - La valle degli uomini luna (Jungle Moon Men), regìa ad Charles S. Gould
- 1955 - Sudden Danger, regìa 'd Hubert Cornfield
- 1955 - The Phantom from 10,000 Leagues, regìa ad Dan Milner
- 1957 - Quattro ragazze in gamba (Four Girls in Town), regìa ad Jack Sher