Heather Wright
|
C'l artìcul chè 'l è scrit in
Miranduléś |
LʼHeather Wright (Lóndra, 1950, a s lèś [ˈhɛðə ɹaɪt] in ingléś) l'è n'atōra britànica. L'è bòna ad dascórar bèṅ in francéś.
L'à tacâ la sò caréra a 'l inìsi di an Stanta tulénd part a série televiśìvi cuma Up Pompeii! e L'occhio che uccide. In séguit l'è pasàda a recitàr a 'l cìnema tulénd part a 'l film ad scarésa Psychomania, cun prutagunìsta George Sanders, La tana della volpe rossa, film 'd aventùra su la casa a la vólp, e Ci rivedremo all'inferno, cun Roger Moore e Lee Marvin.
La tórna a giràr di telefìlm in dal 1976 tacànd da I sopravvissuti, série ch'la cònta la vita ad soquànt persunàǵ ch'i gh'aṅ da scampàr a n'epidemìa 'd un vìrus letàł, par pò pasàr a Cinq à sec, Il ritorno di Simon Templar e Valle di luna. In dal 1981 la rècita in dal film ad scarésa Inseminoid - Un tempo nel futuro, in dla part dla Sharon.
Dòp soquànt an in dua l'à laurâ sōl par di telefìlm, in dal 2008 a l'ém vista in dla cumèdia La mia vita è un disastro e pò 'l an dòp in Letti sfatti cun Fernando Tielve.
Filmugrafìa
[mudéfica la surzéia]
- 1973 - Psychomania, regìa ad Don Sharp
- 1973 - La tana della volpe rossa (The Belstone Fox), regìa ad James Hill
- 1976 - Ci rivedremo all'inferno (Shout at the Devil), regìa ad Peter R. Hunt
- 1979 - Me You and Him, regìa dla Carla Lane - Film TV
- 1980 - Il sogno di Tahiti (Gauguin the Savage), regìa ad Fielder Cook - Film TV
- 1981 - Inseminoid - Un tempo nel futuro (Inseminoid), regìa ad Norman J. Warren
- 2008 - La mia vita è un disastro (Angus, Thongs and Perfect Snogging), regìa ad Gurinder Chadha
- 2009 - Letti sfatti (Unmade Beds), regìa ad Alexis Dos Santos
- 2014 - Coffee Sex You, regìa ad Marcel Grant