Harold Lang (atōr)
|
C'l artìcul chè 'l è scrit in
Miranduléś |
Harold Lang (Lóndra, 1923 - Al Càiro, 16 ad Nuvémbar dal 1970) 'l è stâ 'n atōr britànig.
Dòp avēr studiâ a la Royal Academy of Dramatic Art, 'l à tacâ la sò caréra da atōr a 'l cìnema a la mità di an Quarànta, catànd spasi da spés in pelìculi 'd série B cuma i thriller Il ragno e la mosca (1949), Nick non sparare (1952), Vendicherò il mio passato (1953), La banda del Tamigi (1953) e Delitto per procura (1954), o i film ad guèra Vittime dell'odio e dell'amore (1952) e Scuola di spie (1958).
In di an Ssanta a 'l ém vist in dal drama Chiamate West 11: risponde un assassino (1963) e in di film ad scarésa Il rifugio dei dannati (1963), a fiànc 'd Oliver Reed, Le cinque chiavi del terrore (1965), cun prutagunìsta Christopher Lee e Peter Cushing, e La bambola di cera (1966) par la regìa ad Freddie Francis. Al gh'iva anc na sò cumpagnìa teatràla.
'L è mòrt 'd infàrt in Egìt ch'al gh'iva sōl quarànta-sèt an.