Hansel & Gretel - Cacciatori di streghe
|
C'l artìcul chè 'l è scrit in
Miranduléś |
 Hansel & Gretel: Witch Hunters | ||
| Hansel & Gretel - Cacciatori di streghe | ||
 La Famke Janssen in na figùra dal film | ||
| Hansel & Gretel - Casadōr ad strii 2013 | ||
|---|---|---|
| Regìa: Tommy Wirkola | ||
| Scritōr: Tommy Wirkola • Fradèi Grimm | ||
| Atōr: Jeremy Renner • Gemma Arterton Famke Janssen • Peter Stormare • Thomas Mann Pihla Viitala • Derek Mears • Ingrid Bolsø Berdal Joanna Kulig • Rainer Bock • Bjørn Sundquist | ||
| Müsica: Atli Örvarsson | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî • Germàgna | ||
Hansel & Gretel - Cacciatori di streghe (Hansel & Gretel - Casadōr ad strii) 'l è 'n film fantàstic americàṅ e tedésc dal 2013 ad Tommy Wirkola trat da la fòla di fradèi Grimm Hänsel e Gretel, in qvél ch'a prév èsar cunsiderâ 'n sò séguit.
La pelìcula, giràda in Germàgna a Berlîṅ, Braunschweig e Potsdam, l'è custàda sinquànta migliòṅ ad dòlar ma l'è stada bòna 'd far-an sù da piò ad duśènt-vintsiē.
Sunt
[mudéfica la surzéia]Hansel (Jeremy Renner) e la Gretel (Gemma Arterton) i èṅ dū śōvan casadōr ad strii, un mistēr ch'i fànan par bèsi. Da pìcui chi lōr i éran scampâ a la mòrt ad òvra dna stria (Monique Ganderton) ch'la i vliva magnàr dòp che lōr i ér'n andâ in cà sua esénd che sò pàdar (Thomas Scharff) 'l i iva lasâ da par lōr in dal bòsc. Al striarìi dla vècia, lasàda bruśàr in dla stua, i n gh'ìvan minga efèt su 'd lōr parchè fiōi dna stria biànca ciamàda Adrianna (Kathrin Kühnel), finìda in séguit su 'l rōg.
Al sìndig dal paéś tedésc 'd Augùsta, Englemann (Rainer Bock), 'l i ciàma in ajùt par catàr soquànt putèṅ purtâ via da da dal strii, un quèl ch'a n và minga śò a 'l sierìf Berringer (Peter Stormare) ch'al vrév far da par lò e ch'l è arliâ c'n i casadōr da quànd chi lōr i aṅ salvâ da 'l rōg na ragàsa da i cavìi rós, la Mina (Pihla Viitala), che lò 'l arév vlû giustisiàr in piàsa.
Par cumbàt'r al strii, cmandàdi par Muriel (Famke Janssen), Hansel e la Gretel i s faṅ jutàr p'r un śōvan sò amiradōr, Ben (Thomas Mann), e anc par la Mina ch'in segrét l'è na stria biànca.