Vai al contenuto

Griffin Dunne

Da Wikipedia.

C'l artìcul chè 'l è scrit in Miranduléś Emiliàn

Griffin Dunne tòlt śò in dal 2010


Thomas Griffin Dunne (New York, 8 ad Śugn dal 1955, a s lèś [ˈɡrɪf.ɪn ˈdʌn] in ingléś) 'l è 'n atōr e regista americàṅ, candidâ in dal 1996 a i Prèmi Òscar par la regìa dal film curt Duke of Groove cun Elliott Gould e Udo Kier.

Biugrafìa

Griffin 'l è 'l fiōl dal prudutōr e senegiadōr Dominick Dunne e dl'imprendidōra Ellen Beatriz Griffin, fradèl dl'atōra Dominique Dunne (cupàda da 'l sò èx muróś in dal 1982 a vint-a-tri an) e anvōd di senegiadōr John Gregory Dunne e Joan Didion. A quatórd'ś an 'l à patî al divòrsi di sò genitōr. In dal 1973 'l à spuśâ la prudutōra Kate Forte ma 'l matrimòni 'l è stâ anulâ 'l an dòp. In dal 1989 'l à spuśâ l'atōra Carey Lowell par pò divursiàr sèg in dal 1995 dòp avēr abû insém na fiōla ciamàda Hannah. In dal 2009 'l à tòlt in spóśa lʼAnna Bingeman.

'L à fat al sò debùt a 'l cìnema cuma atōr in dal 1975 tulénd part a 'l drama biugràfic Una finestra sul cielo cun Beau Bridges e la Marilyn Hassett in di pagn dla dasfurtunàda siadōra Jill Kinmont. In séguit 'l à recitâ in sènt e pasa òvri fra film e telefìlm cuma Un lupo mannaro americano a Londra ad John Landis (1981), al noir Fuori orario (1985), a fiànc cun la Rosanna Arquette e la Linda Fiorentino, Who's That Girl (1987), cun prutagunìsta la Madonna, e 'l dramàtic Dallas Buyers Club (2013) cun Matthew McConaughey.

Cuma regìsta 'l à dirèt al cumèdi sentimentàli Innamorati cronici (1996), cun la còpia Meg Ryan/Matthew Broderick, e Amori & incantesimi (1998), cun la Nicole Kidman e la Sandra Bullock in di pagn ad dó surèli strii, al drama Gioventù violata (2005), cun prutagunìsta la Diane Lane, e Un marito di troppo (2008) cun l'Uma Thurman e Colin Firth.

Filmugrafìa

Un lóv manâr americàṅ a Lóndra (1981)
Fóra uràri (1985)

cuma atōr

cuma regìsta

Culegamènt estéran

Àtar prugèt