Greta Garbo
|
C'l artìcul chè 'l è scrit in
Miranduléś |
La Greta Lovisa Gustafsson, cgnusùda méj cuma Greta Garbo (Stucólma, 18 ad Setémbar dal 1905 - New York, 16 'd Avrìl dal 1990, a s lèś [ˈɡrêːta ˈɡǎrːbʊ] in śvedéś), l'è stada n'atōra śvedéśa cun sitadinànsa americàna, una dal più impurtànti dla stòria dal cìnema, vinsidōra 'd un Prèmi Òscar a la caréra in dal 1955 dòp quàtar candidadùri fra 'l 1930 e 'l 1940.
La gh'à na stéla in dla Hollywood Walk of Fame. In dal 1999 'l American Film Institute al l'à misa a 'l quìnt pòst in dla lista dal sènt atōri più grandi dla stòria dal cìnema americàṅ ad tut i tèmp.
Cgnusùda c'n al scutmàj ad „La Divìna“, la Garbo l'à tacâ a recitàr a 'l inìsi di an Vint, a i tèmp dal cìnema mut, par pò dvintàr n'icóna dla Metro Goldwyn Mayer, girànd pelìculi cuma 'l drama Mata Hari (1931), in còpia cun Ramón Novarro, la cumèdia dramàtica Grand Hotel (1932), insém a John Barrymore e a la Joan Crawford, al stòrig La regina Cristina (1933), cun John Gilbert, al drama Anna Karenina (1935) e la cumèdia sentimentàla Ninotchka (1939).
Da sèmpar riservàda su la sò vita privàda, l'à śmis ad far di film quànd la gh'iva trénta-siē an. La gh'à abû na stòria cun la Mercedes de Acosta, puetésa americàna cun di urìgini spagnōli.
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Greta Garbo
Wikimedia Commons contiene file multimediali su Greta Garbo
