Greg Kinnear

C'l artìcul chè 'l è scrit in Miranduléś

Gregory Buck Kinnear, cgnusû méj cuma Greg Kinnear (Logansport, 17 ad Śugn dal 1963, a s lèś [grɛg kɪˈnɪər] in ingléś), 'l è 'n atōr americàṅ, candidâ in dal 1998 a i Prèmi Òscar e a i Golden Globe par la cumèdia Qualcosa è cambiato cun prutagunìsta Jack Nicholson e l'Helen Hunt.

Biugrafìa

Uriginàri d'l Indiàna, fiōl dna raśdóra e 'd un diplumàtig, par via dal mistēr ad sò pàdar 'l à visû da pìcul in Lìban e in Grécia. Turnâ in di Stat Unî al s iscrìv a l'Università d'l Ariśòna in du al s làurea in giurnalìśum in dal 1985. In séguit al và a star a Los Angeles pascànd furtùna, tacànd a lauràr cuma asistènt in marketing. In séguit al fà 'n pruvèṅ par dvintàr VJ a MTV, ma 'l vîṅ scartâ.

Al taca listés a lauràr in dal mónd dal spetàcul, tulénd part a soquànt telefìlm a gh'inìsi di an Nuànta cuma Una famiglia come le altre, Mancuso, F.B.I. e L.A. Law - Avvocati a Los Angeles. In dal 1994 al fà 'l sò debùt a 'l cìnema cun la cumèdia Un eroe fatto in casa (1994), cun Jason Alexander, e pò 'l an dòp cun na part impurtànta, qvéla dal fradèl 'd Harrison Ford ch'al taca na stòria cun la Julia Ormond in dla cumèdia Sabrina, arfacimènt dal caplavōv dal 1954 cun l'Audrey Hepburn, Humphrey Bogart e William Holden.

Al sucès par lò al riva in dal 1997 quànd al tōś part a Qualcosa è cambiato, film candidâ a sèt Prèmi Òscar e cun na nomination anc par lò. In chi an lè Greg al gira di atri cumèdi impurtànti cuma C'è posta per te (1998), a fiànc ad Tom Hanks e dla Meg Ryan, Da che pianeta vieni? (2000), cun John Goodman, e Betty Love (2000), insém a la Renée Zellweger e a Morgan Freeman.

In di an Dumìla al gira dal pelìculi ad gènar difarènt cuma 'l film ad scarésa The Gift (2000), insém a la Cate Blanchett, Keanu Reeves, Giovanni Ribisi e l'Hilary Swank, al drama 'd guèra We Were Soldiers - Fino all'ultimo uomo (2002), cun Mel Gibson in di pagn dal generàł Hal Moore, e 'l drama Auto Focus (2002) in du al fà la part d'l atōr Bob Crane par la regìa ad Paul Schrader.

In dal 2003 al rècita “tacâ” a Matt Damon in Fratelli per la pelle mént'r in dal 2006 al lavóra in dal drama Fast Food Nation a fiànc 'd Ethan Hawke e 'd Bruce Willis, in dla cumèdia Little Miss Sunshine, in du al scaròsa sò fiōla in gir p'r i Stat Unî par far-ag far di cuncōrs ad belésa par putìni, e in dal thriller Identità sospette.

In dal 2010 al tórna a recitàr insém a Matt Damon in dal film Green Zone, pò 'l an dòp al fà la part dal presidènt John Fitzgerald Kennedy in dla minisérie televiśìva The Kennedys.

In dal 2019 'l à dirèt al sò prim film da 'l tìtul La filosofia di Phil.

Filmugrafìa

cuma atōr

1990 - Murder in Mississippi, regìa ad Roger Young – Film TV
1991 - Dillinger - Nemico pubblico numero uno (Dillinger), regìa ad Rupert Wainwright – Film TV
1994 - Un eroe fatto in casa (Blankman), regìa ad Mike Binder
1995 - Sabrina, regìa ad Sydney Pollack
1996 - Strani miracoli (Dear God), regìa ad Garry Marshall
1997 - Qualcosa è cambiato (As Good as It Gets), regìa ad James L. Brooks
1997 - Un sorriso come il tuo (A Smile Like Yours), regìa ad Keith Samples
1998 - C'è posta per te (You've Got Mail), regìa dla Nora Ephron
1999 - Mystery Men, regìa ad Kinka Usher
2000 - Da che pianeta vieni? (What Planet Are You From?), regìa ad Mike Nichols
2000 - American School (Loser), regìa dl'Amy Heckerling
2000 - Betty Love (Nurse Betty), regìa ad Neil LaBute
2000 - The Gift, regìa ad Sam Raimi
2001 - A cena da amici (Dinner with Friends), regìa ad Norman Jewison – Film TV
2001 - Qualcuno come te (Someone Like You...), regìa ad Tony Goldwyn
2002 - We Were Soldiers - Fino all'ultimo uomo (We Were Soldiers), regìa ad Randall Wallace
2002 - Auto Focus, regìa ad Paul Schrader
2003 - Fratelli per la pelle (Stuck on You), regia di fradèi Farrelly
2004 - Godsend - Il male è rinato (Godsend), regìa ad Nick Hamm
2005 - Robots, regìa ad Chris Wedge e 'd Carlos Saldanha – Vōś
2005 - The Matador, regìa ad Richard Shepard
2005 - Bad News Bears - Che botte se incontri gli Orsi (Bad News Bears), regìa ad Richard Linklater
2006 - Fast Food Nation, regìa ad Richard Linklater
2006 - Little Miss Sunshine, regìa ad Jonathan Dayton e dla Valerie Faris
2006 - Imbattibile (Invincible), regìa 'd Ericson Core
2006 - Identità sospette (Unknown), regìa ad Simon Brand
2007 - Feast of Love, regìa ad Robert Benton
2008 - Baby Mama, regìa ad Michael McCullers
2008 - Ghost Town, regìa ad David Koepp
2008 - Flash of Genius, regìa ad Marc Abraham
2010 - Green Zone, regìa ad Paul Greengrass
2010 - The Last Song, regìa dla Julie Anne Robinson
2011 - Thin Ice - Tre uomini e una truffa (Thin Ice), regìa dla Jill Sprecher
2011 - Ma come fa a far tutto? (I Don't Know How She Does It), regìa ad Douglas McGrath
2013 - Comic Movie (43 movies), regìa ad regìsta difarènt
2013 - The English Teacher, regìa ad Craig Zisk
2013 - Anchorman 2 - Fotti la notizia (Anchorman 2: The Legend Continues), regìa 'd Adam McKay
2013 - Stuck in Love, regìa ad Josh Boone
1990 - Il paradiso per davvero (Heaven Is for Real), regìa ad Randall Wallace
2014 - Il mistero del gatto trafitto (Murder of a Cat), regìa ad Gillian Greene
2016 - Little Men, regìa 'd Ira Sachs
2016 - Confirmation - Una donna per la verità (Confirmation), regìa ad Rick Famuyiwa – Film TV
2017 - Brigsby Bear, regìa ad Dave McCary
2017 - Diverso come me (Same Kind of Different as Me), regìa ad Michael Carney
2018 - Brian Banks - La partita della vita (Brian Banks), regìa ad Tom Shadyac
2019 - La filosofia di Phil (Phil), regìa ad Greg Kinnear
2019 - Frankie, regìa 'd Ira Sachs
2019 - Strange But True, regìa ad Rowan Athale
2019 - Red Sea Diving (The Red Sea Diving Resort), regìa ad Gideon Raff
2020 - Il concorso (Misbehaviour), regìa dla Philippa Lowthorpe
2020 - Good People, regìa ad Lee Daniels – Film TV
2021 - Confini e dipendenze (Crisis), regìa ad Nicholas Jarecki
2023 - Sight, regìa 'd Andrew Hyatt
2024 - The Present, regìa ad Christian Ditter
2024 - You Gotta Believe, regìa ad Ty Roberts
2025 - Off the Grid, regìa ad Johnny Martin

cuma regìsta

2019 - La filosofia di Phil (Phil)

Culegamènt estéran

Àtar prugèt

Wikiquote contiene citazioni di o su Greg Kinnear
Wikimedia Commons contiene file multimediali su Greg Kinnear