Grammy Award
|
C'l artìcul chè 'l è scrit in
Miranduléś |
Al Grammy Award, cgnusû na vòlta cuma Gramophone Awards, 'l è 'n prèmi dâ da la National Academy of Recording Arts and Sciences, n'asuciasiòṅ 'd espunènt americàṅ espèrt dal mónd dla mùśica, a i artìsta muśicài ch'i s èṅ fat nutàr in dal cōrs d'l an. Al gh'à n'impurtànsa cumpàgna a i Prèmi Òscar p'r al cìnema.
La serimògna 'd premiasiòṅ la s tîṅ a Los Angeles tut i an da 'l 1959 in avànti e l'è traśmìsa da 'l 1973 a 'l dè 'd incō da 'l canàł CBS. I cantànt ch'i aṅ vins più vòlti cal prèmi chè i èṅ stâ la Beyoncé, Georg Solti e Quincy Jones. Fra i artìsta emigliàṅ e rumagnōi i aṅ vins al Grammy Luciano Pavarotti, Benny Benassi e la Laura Pausini, fra i àt'r itagliàṅ a èsar premiâ a psém arcurdàr Domenico Modugno, Riccardo Muti, la Renata Tebaldi, Ennio Morricone e Riz Ortolani.
I Grammy Award i gh'aṅ dimóndi categurìi, qvéli più impurtànti i èṅ Registrasiòṅ d'l an, Àlbum d'l an, Cansòṅ d'l an, Mijōr artìsta eśurdiènt, Aṿtōr d'l an e Prudutōr d'l an.