Glosa

C'l artìcul chè 'l è scrit in Miranduléś

«

Panto homi es ge-nati libe e eqa de digni e plu nomi. Mu es ge-provide de logika e de kognoski de morali debi; e debi akti ad alelo in u spiritu de sibi-komuni.»

Glosa(Dichiarasiòṅ universàla di dirìt ad 'l óm,1948)

«

Tut i èsar umàṅ i nàsan lìbar, cumpàgn in di dirìt e dégn a la stésa manéra. I gh'àṅ la raśòṅ e 'l giudìsi e i gh'aṅ da cumpurtàr-as da fradèi 'l un cun c'l àtar.»

(MUD)

Al glosa l'è na léngua artifisàla ad supòrt prugetàda par la cumunicasiòn a livèl internasiunàl.

Al gh'à chi aspèt chè:

La sò pronùnsia l'è regulàra e la sò urtugrafìa l'è funètica.
La sò strutùra l'è dimóndi sémplis e la fà riferimènt a 'l significâ.
L'è na léngua strulgàda bèṅ sénsa inflesiòṅ o gènar. Al relasiòṅ gramaticàli i èṅ cuntrulàdi p'r un nùmar cic ad paròli.
'D sōvar più, al glosa 'l è neutràl e internasiunàl dabòṅ par via dal fat ch'al dróa dal raìś latìni e gréchi, ch'i èn druàdi in dal vucabulàri sientìfic internasiunàl.

Soquànt cunfrònt

Glosa	Emigliàṅ: Miranduléś	Itagliàn	Ingléś	Francéś	Tedésc	Rus	Spagnōl
boni	bòṅ	buono	good	bon	gut	dobriy	bueno
dona	dar	dare	give	donner	geben	darit	dar
filtra	filtràr	filtrare	filter	filtrer	filtern	filtrovat	filtrar
horti	giardèṅ	giardino	garden	jardin	garten	ogorod	jardin
Equs	cavàl	cavallo	horse	cheval	pferd	kon	caballo
mari	mâr	mare	sea	mer	meer	more	mar
natio	nasiòṅ	nazione	nation	nation	nation	narod	nación
stude	studiàr	studiare	study	étudier	studieren	shtudirovat	estudiar
juve	śōvan	giovane	young	jeune	jung	yuniy	joven

Al Paternòstar d'l Glosa

Chè 'd sóta a gh'è al tèst dal Paternòstar in Glosa cun la tradusiòṅ in Emigliàṅ (Miranduléś).

Na patri in urani: (Pàdar nòstar ch'at sē in dal cēl)
na volu; tu nomina gene honora, (ch'a sia santificâ al tò nóm)
tu krati veni e (ch'a végna al tò régn)
tu tende gene akti (ch'a sia fat al tò vulēr)
epi geo homo in urani. (in sla tèra cum in dal cēl)

Place don a na nu-di na di-pani (Dà-'s al nòstar paṅ ad tut i dè)
e tu pardo na plu Mali akti; (pardóna i nòstar dèbit)
metri na pardo mu; qi akti Mali a na. (cuma nuàtar a i perduném a i nòstar debitōr)
E ne direkti na a u proba; (e fà ch'a n caschém minga in dla tentasiòṅ)
sed libe na ab Mali. (ma lìb'r-as dal mal)