Gladys George

C'l artìcul chè 'l è scrit in Miranduléś

La Gladys Anna Clare, cgnusùda méj Gladys George (Patten, 13 ad Setémbar dal 1904 - Los Angeles, 8 ad Dicémbar dal 1954, a s lèś [ˈɡlædɪs dʒɔːdʒ] in ingléś), l'è stada n'atōra americàna, candidàda a 'l Prèmi Òscar in dal 1937 p'r al drama Valiant Is the Word for Carrie in dua la fava la part dna dunàsa che p'r amōr ad dū òrfan la vèra na lavandarìa a séc.

Uriginària dal Maine, la Gladys l'à tacâ da baghéta a recitàr a teàtar a Broadway, laurànd anc cun l'Isadora Duncan e la Pauline Frederick. In séguit l'è pasàda a 'l cìnema faghénd al sò debùt in dal 1919 in dal film mut Red Hot Dollars cun prutagunìsta Charles Ray. Dòp 'n incidènt patî in dal 1921 l'è stada custréta a lasàr al sò lavōr par pò turnàr a la recitasiòṅ in di an Trénta, anc par via di cuć ch'al gh'iva dâ sò marè, al migliardàri Edward Fowler.

Finìda la stòria sèg, anc par via di còran ch'la gh mitìva, la Gladys la gh l'à cavàda listés a firmàr un cuntràt cun la Paramount Pictures ch'la la sarnìs par la part dla prutagunìsta in Valiant Is the Word for Carrie, òvra ch'la gh fruta na nomination a i Academy Award. Par la Metro Goldwyn Mayer la gira invéci al drama Madame X (1937) e 'l stòrig Maria Antonietta (1938), in di pagn dla Madame du Barry amànta 'd John Barrymore, méntar cun la Warner Bros. la fà I ruggenti anni venti (1939), a fiànc ad James Cagney, Humphrey Bogart e la Priscilla Lane.

In di an Quarànta la sò caréra la taca a śmursàr-as, anc par via di sò prubléma 'd salùt. A l'arcurdém in dal noir Il mistero del falco (1941), cun prutagunìsta Humphrey Bogart, e in di drama I migliori anni della nostra vita (1946), in còpia cun la Myrna Loy, e Viale Flamingo (1949), a fiànc dla Joan Crawford. Òṅ di sò ùltim lavōr, prima 'd murìr 'd infàrt a sinquànt'an, 'l è stâ 'l pulisiésc Ho amato un fuorilegge (1951) insém a John Garfield.

Filmugrafìa

1919 - Red Hot Dollars, regìa ad Jerome Storm
1920 - The Woman in the Suitcase, regìa ad Fred Niblo
1920 - Below The Surface, regìa 'd Irvin Willat
1920 - Homespun Folks, regìa ad John Griffith Wray
1921 - The Easy Road, regìa ad Tom Forman
1921 - Chickens, regìa ad Jack Nelson
1921 - The House That Jazz Built, regìa ad Penrhyn Stanlaws
1934 - Straight Is the Way, regìa ad Paul Sloane
1936 - Valiant Is the Word for Carrie, regìa ad Wesley Ruggles
1937 - They Gave Him a Gun, regìa ad W. S. Van Dyke
1937 - Madame X, regìa ad Sam Wood
1938 - Love Is a Headache, regìa ad Richard Thorpe
1938 - Maria Antonietta (Marie Antoinette), regìa ad W.S. Van Dyke
1939 - I'm from Missouri, regìa ad Theodore Reed
1939 - Here I'm A Stranger, regìa ad Roy Del Ruth
1939 - I ruggenti anni Venti (The Roaring Twenties), regìa ad Raoul Walsh
1939 - A Child is Born, regìa ad Lloyd Bacon
1940 - L'isola degli uomini perduti (The House Across the Bay), regìa 'd Archie L. Mayo
1940 - The Way of All Flesh, regìa ad Louis King
1940 - La ribelle del West (The Lady from Cheyenne), regìa ad Frank Lloyd
1941 - Hit the Road, regìa ad Joe May
1941 - Il mistero del falco (The Maltese Falcon), regìa ad John Huston
1943 - Domani sarò tua (The Crystal Ball), regìa 'd Elliott Nugent
1943 - The Hard Way, regìa ad Vincent Sherman
1943 - Prediletta di nessuno (Nobody's Darling), regìa 'd Anthony Mann
1944 - Vacanze di Natale (Christmas Holiday), regìa ad Robert Siodmak
1944 - Minstrel Man, regìa ad Joseph H. Lewis
1945 - Steppin' in Society, regìa 'd Alexander Esway
1946 - I migliori anni della nostra vita (The Best Years of Our Lives), regìa ad William Wyler
1947 - Millie's Daughter, regìa ad Sidney Salkow
1948 - Gentiluomo, ma non troppo (Alias A Gentleman), regìa 'd Harry Beaumont
1949 - Viale Flamingo (Flamingo Road), regìa ad Michael Curtiz
1950 - Le foglie d'oro (Bright Leaf), regìa ad Michael Curtiz
1950 - Sparate senza pietà (Undercover Girl), regìa ad Joseph Pevney
1951 - La ninna nanna di Broadway (Lullaby of Broadway), regìa ad David Butler
1951 - Ho amato un fuorilegge (He Ran All the Way), regìa ad John Berry
1951 - Pietà per i giusti (Detective Story), regìa ad William Wyler
1951 - Le rocce d'argento (Silver City), regìa ad Byron Haskin
1953 - It Happens Every Thursday, regìa ad Joseph Pevney

Culegamènt estéran

(IT) Filmugrafìa su 'l IMDb

Àtar prugèt

Wikiquote contiene citazioni di o su Gladys George
Wikimedia Commons contiene file multimediali su Gladys George