Giovanni Ribisi

C'l artìcul chè 'l è scrit in Miranduléś

Giovanni Antonio Ribisi, dit Ciosk (Los Angeles, 17 ad Dicémbar dal 1974, a s lèś [ˌdʒoʊvɑːni rɪˈbiːsi] in ingléś), 'l è 'n atōr americàṅ.

'L à tacâ la sò caréra da atōr in di an Utànta tulénd part a soquànt telefìlm cuma Blue jeans, Sposati... con figli, Ai confini della realtà, Walker Texas Ranger, X-Files e Chicago Hope, sénsa daśmindgàr-as Autostop per il cielo dal 1985, in dla part 'd un putèṅ malâ 'd càncar, e pò Friends faghénd al fradlàstar dla Phoebe Buffay, Frank.

In dal 1996 'l à fat al sò debùt a 'l cìnema cun la cumèdia muśicàla Music Graffiti cun Tom Hanks e la Liv Tyler. In séguit a 'l ém vist in Strade perdute ad David Lynch (1996), cun Bill Pullman, la Patricia Arquette e Marilyn Manson, e in L'uomo del giorno dopo ad Kevin Costner (1997). Na part dimóndi impurtànta par lò l'è stada qvéla dal mèdag Irwin Wade in Salvate il soldato Ryan (1998) ad Steven Spielberg. Sèmp'r in c'l an lè al rècita anc in Ragazzi e ragazze, cun la Juliette Lewis e la sò surèla śmèla Marissa Ribisi.

In dal 2000 'l à catâ spasi in pelìculi cuma 1 km da Wall Street, cun prutagunìsta Vin Diesel e Ben Affleck, al thriller The Gift (2000), a fiànc dla Cate Blanchett e 'd Keanu Reeves, e 'l film 'd asiòṅ Fuori in 60 secondi, in còpia cun Nicolas Cage. Àtar film impurtànt par lò di an Dumìla i èṅ stâ Basic (2003), in di pagn 'd un ranger americàṅ ch'al fà na bruta fîṅ, la cumèdia sentimentàla Lost in Translation - L'amore tradotto (2003), cun la Scarlett Johansson, Ritorno a Cold Mountain (2003), cun la còpia Jude Law/Nicole Kidman, al thriller Perfect Stranger (2007), insém a l'Halle Berry e a Bruce Willis, al noir Nemico pubblico - Public Enemies (2009), cun Johnny Depp, e 'l colossal ad James Cameron, Avatar (2009), in dla part dal diretōr d'l impiànt 'd estrasiòṅ Parker Selfridge. Ólt'r a i dū séguit ad cla pelìcula chè, Avatar - La via dell'acqua (2022) e Avatar - Fuoco e cenere (2005), a 'l arcurdém anc par la cumèdia Ted (2012), cun prutagunìsta Mark Wahlberg, e 'l stòrig Selma - La strada per la libertà (2014), cun David Oyelowo in di pagn ad Martin Luther King.

Filmugrafìa

1988 - La promessa di un miracolo (Promised a Miracle), regia ad Stephen Gyllenhaal - Film TV
1996 - Music Graffiti (That Thing You Do!), regìa ad Tom Hanks
1996 - SubUrbia, regìa ad Richard Linklater
1997 - Strade perdute (Lost Highway), regìa ad David Lynch
1997 - First Love, Last Rites, regìa ad Jesse Peretz
1997 - L'uomo del giorno dopo (The Postman), regìa ad Kevin Costner
1998 - Intrigo ad alta quota (Alptraum im Airport), regìa ad Chris Bould - Film TV
1998 - Ragazzi e ragazze (Some Girl), regìa ad Rory Kelly
1998 - Phoenix - Delitto di polizia (Phoenix), regìa ad Danny Cannon
1998 - Salvate il soldato Ryan (Saving Private Ryan), regìa ad Steven Spielberg
1999 - Un amore speciale (The Other Sister), regìa ad Garry Marshall
1999 - Gli infiltrati (The Mod Squad), regìa ad Scott Silver
1999 - È una pazzia (It's the Rage), regìa ad James D. Stern
1999 - Il giardino delle vergini suicide (The Virgin Suicides), regìa dla Sofia Coppola - vōś
2000 - Fuori in 60 secondi (Gone in Sixty Seconds), regìa ad Dominic Sena
2000 - 1 km da Wall Street (Boiler Room), regìa ad Ben Younger
2000 - The Gift, regìa ad Sam Raimi
2001 - Un colpo al cuore (Shot in the Heart), regìa dl'Agnieszka Holland - Film TV
2002 - Heaven, regìa ad Tom Tykwer
2003 - Masked and Anonymous, regìa ad Larry Charles
2003 - Basic, regìa ad John McTiernan
2003 - Lost in Translation - L'amore tradotto (Lost in Translation), regìa dla Sofia Coppola
2003 - Ritorno a Cold Mountain (Cold Mountain), regìa 'd Anthony Minghella
2004 - Corrispondenza d'amore (Love's Brother), regìa ad Jan Sardi
2004 - Sky Captain and the World of Tomorrow, regìa ad Kerry Conran
2004 - Il volo della fenice (Flight of the Phoenix), regìa ad John Moore
2005 - The Big White, regìa ad Mark Mylod
2006 - Affari di sangue (10th & Wolf), regìa ad Robert Moresco
2006 - The Dead Girl, regìa ad Karen Moncrieff
2006 - The Dog Problem, regìa ad Scott Caan
2007 - Perfect Stranger, regìa ad James Foley
2007 - Gardener of Eden - Il giustiziere senza legge (Gardener of Eden), regìa ad Kevin Connolly
2009 - Nemico pubblico - Public Enemies (Public Enemies), regìa ad Michael Mann
2009 - Avatar, regìa ad James Cameron
2010 - Middle Men, regìa ad George Gallo
2011 - The Rum Diary - Cronache di una passione (The Rum Diary), regìa ad Bruce Robinson
2012 - Contraband, regìa ad Baltasar Kormákur
2012 - Columbus Circle, regìa ad George Gallo
2012 - Ted, regìa ad Seth MacFarlane
2013 - Gangster Squad, regìa ad Ruben Fleischer
2014 - Un milione di modi per morire nel West (A Million Ways to Die in the West), regìa ad Seth MacFarlane
2014 - Selma - La strada per la libertà (Selma), regìa dl'Ava DuVernay
2015 - Ted 2, regìa ad Seth MacFarlane
2015 - Results, regìa 'd Andrew Bujalski
2015 - Meadowland - Scomparso (Meadowland), regìa ad Reed Morano
2016 - The Bad Batch, regìa dl'Ana Lily Amirpour
2018 - A Million Little Pieces, regìa ad Sam Taylor-Johnson
2022 - Avatar - La via dell'acqua (Avatar: The Way of Water), regìa ad James Cameron
2024 - Horizon: An American Saga, regìa ad Kevin Costner
2025 - Avatar - Fuoco e cenere (Avatar: Fire and Ash), regìa ad James Cameron

Culegamènt estéran

(IT) Filmugrafìa in s'l IMDb

Àtar prugèt

Wikiquote contiene citazioni di o su Giovanni Ribisi
Wikimedia Commons contiene file multimediali su Giovanni Ribisi