Gioia Scola
|
C'l artìcul chè 'l è scrit in
Miranduléś |
La Gioia Maria Tibiletti, cgnusùda méj c'n al nóm 'd art ad Gioia Scola (Milàṅ, 28 'd Utóbar dal 1961), l'è n'atōra itagliàna.
L'à tacâ la sò caréra cuma atōra 'd fotormànś par pò vìns'r al tìtul ad Miss Teen Ager a 'n cuncōrs ad belésa ch'al gh'à avèrt in dal 1977 al pòrti dal mónd dal cìnema in dua la gira dó pelìculi dal gènar pulisiésc faghénd dal parti cichi: Goodbye & Amen, a fiànc ad Tony Musante e dla Claudia Cardinale, e Operazione Kappa: sparate a vista. 'L an dòp la cata spasi in dal śal eròtic Suggestionata cun prutagunìsta l'Eleonora Giorgi.
In di an Utànta la rècita in dimóndi film cuma la cumèdia Pierino contro tutti (1981), cun Alvaro Vitali e Michele Gammino, 'l aventuróś I predatori di Atlantide (1983), cun prutagunìsta George Hilton e Christopher Connelly, Conquest (1983), pelìcula dal gènar fantàstic ad Lucio Fulci cun Andrea Occhipinti, Il petomane (1983), cun Ugo Tognazzi in di pagn dal scurśòṅ, e Festa di laurea (1985), film ad Pupi Avati cun Carlo Delle Piane e Nik Novecento.
Sèmp'r in chi an lè la finìs su 'l paśni ad Playboy Italia cuntinuànd anc a recitàr in òvri cuma Ferragosto OK (1986), insém a Mauro Di Francesco, la Sabrina Salerno, l'Eva Grimaldi, la Gegia, la Patrizia Pellegrino e l'Alessandra Mussolini, la cumèdia Yuppies 2 (1986), a fiànc ad Jerry Calà e 'd Ezio Greggio, Sensi (1986), noir eròtic cun la Monica Guerritore, Gabriele Lavia e la Mimsy Farmer, e i thriller dal 1987 Sotto il vestito niente II, cun la Randi Ingerman, e Per sempre, in còpia cun Urbano Barberini.
In di prim an Nuànta a l'ém vista in dal thriller Bugie rosse (1994), insém a Tomas Arana, a l'Alida Valli e a Paolo Calissano.
La sò caréra la finìs dòp ès'r andàda a prucès in dal 1995, insém a di àtar persunàǵ famóś cuma Paolo Berlusconi e Giovanni Goria, p'r un tràfic ad dròga fra Nàpuli e Róma. Al sò calvàri giudisiàri al finìs sōl in dal 2007 quànd la vîṅ asòlta parchè al fat al n gh'è minga. Tulènd spunt da cla vicénda chè ch'a gh'è sucès, la Scola l'à scrit la senegiadùra dal film Malefemmene dal 2001 cun prutagunìsta la Giovanna Mezzogiorno e l'Ángela Molina.
Filmugrafìa
[mudéfica la surzéia]- 1976 - Malù, regìa ad Gigi Oliviero
- 1977 - Goodbye & Amen, regìa ad Damiano Damiani
- 1977 - Operazione Kappa: sparate a vista, regìa ad Luigi Petrini
- 1978 - Suggestionata, regìa 'd Alfredo Rizzo
- 1981 - Il falco e la colomba, regìa ad Fabrizio Lori
- 1981 - Pierino contro tutti, regìa ad Marino Girolami
- 1982 - Notturno con grida, regìa 'd Ernesto Gastaldi e 'd Vittorio Salerno
- 1983 - Conquest, regìa ad Lucio Fulci
- 1983 - I predatori di Atlantide, regìa ad Ruggero Deodato
- 1983 - Il petomane, regìa ad Pasquale Festa Campanile
- 1985 - Festa di laurea, regìa ad Pupi Avati
- 1986 - Anemia, regìa 'd Alberto Abruzzese e 'd Achille Pisanti – Film TV
- 1986 - Sensi, regìa ad Gabriele Lavia
- 1986 - Yuppies 2, regìa 'd Enrico Oldoini
- 1986 - Ferragosto OK, regìa ad Sergio Martino – Film TV
- 1987 - Pathos - Segreta inquietudine, regìa ad Piccio Raffanini
- 1987 - Cronaca nera, regìa ad Faliero Rosati – Film TV
- 1987 - Per sempre - Fino alla morte, regìa ad Lamberto Bava – Film TV
- 1988 - Sotto il vestito niente II, regìa ad Dario Piana
- 1990 - L'Ospite, regìa ad Carlos Pasini Hansen
- 1990 - Nel giardino delle rose, regìa ad Luciano Martino
- 1990 - Granata, addio (Réquiem por Granada), regìa ad Vicente Escrivá - Série TV
- 1991 - Per sempre, regìa ad Walter Hugo Khouri
- 1992 - Cronaca nera, regìa ad Faliero Rosati – Film TV
- 1994 - Bugie rosse, regìa ad Pierfrancesco Campanella
- 1995 - Il prezzo del denaro, regìa ad Maurizio Lucidi – Film TV