Gianluca Mager

Da Wikipedia.

C'l artìcul chè 'l è scrit in Miranduléś Emiliàn

Gianluca Mager tòlt śò in dal 2019


Gianluca Mager (Sanrémo, 1 ad Dicémbar dal 1994, a s lèś [dʒanˈluːka ˈmaːger] in Itagliàṅ, minga [ˈmaːdʒer]) 'l è 'n tenìsta itagliàṅ. 'L è élt un mét'r e utànt'òt e 'l péśa stanta-sèt chilo. Al dróa 'l bras dèst'r e 'l tira 'l arvèrs a dū maṅ. Ciamâ anc Giangi da gl'amìg, 'l è tifóś dal Milan.

In dla sò caréra al s è mis in bisàca quàtar tìtui future e tri challenger.

Caréra

In dal 2019 al gh la cava a srar 'l an a 'l 118śum pòst dla clasìfica, dòp avēr purtâ a cà tri turnèo challeger (cóntar Roberto Ortega-Olmedo a Cublénsa, Nikola Milojević a Barléta e Paolo Lorenzi a Bjèla, baténd chè anc i spagnōi Tommy Robredo e Jaume Munar) e avēr vins par la prima vòlta na pardìda in dal sircùit ATP, cóntar Pablo Andújar a Stucólma par 5-7 6-1 6-1.

In dal Favràr dal 2020, pasànd p'r al qualificasiòṅ e baténd al nùmar quàtar dal mónd Dominic Thiem 7-6 7-5 e Attila Balázs 7-6 4-6 7-6, al riva in finàł a Rio de Janeiro, turnèo ATP 500, in du 'l gh'à da pigàr-as par 6-7 5-7 a Christian Garín.

Culegamènt estéran