Gerard Butler

C'l artìcul chè 'l è scrit in Miranduléś

Gerard James Butler (Paisley, 13 ad Nuvémbar dal 1969, a s lèś [ˈdʒɛrɑːd ˈbʌtlə] in ingléś), 'l è 'n atōr e prudutōr britànig, scuséś p'r èsar precìś, famóś p'r avēr fat la part dal rè Leonida I in dal film ad guèra 300 (2007) e p'r i sò rōi da dûr.

Biugrafìa

Dòp avēr studiâ léǵ, 'l à fat al sò debùt a 'l cìnema in dal 1997 tulénd part a 'l drama La mia regina, cun la Judi Dench in di pagn dla regìna Vitòria dal Régn Unî, e in dal film ad spiunàǵ Il domani non muore mai, cun Pierce Brosnan in dal rōl ad James Bond, méntar 'l an dòp 'l è stâ impgnâ in dal film ad scarésa Talos - L'ombra del faraone.

In dal 2000 'l è stâ prutagunìsta dal film ad scarésa Dracula's Legacy - Il fascino del male par pò giràr dū an dòp al film 'd asiòṅ Il regno del fuoco a fiànc ad Christian Bale e 'd Matthew McConaughey. Dal 2003 'l è invéci Timeline - Ai confini del tempo in dua lò 'l à fat la part d'n archeòlug scuséś cun la pasiòṅ par la stòria d'l Ēṿ Mèdi.

In dal 2004 'l à fat al Fantàśma dl'Òvra in dal musical Il fantasma dell'Opera (2004), catànd pò al sucès c'n al film stòrig 300 dal 2007. Sèmp'r in chi an lè a 'l ém vist in dal drama sentimentàł P.S. I Love You (2007), in còpia cun l'Hilary Swank, in dal pulisiésc RocknRolla (2008), in dal film 'd asiòṅ Gamer (2009), faghénd 'n óm in parśòṅ custrét a tōr part a 'n śōg “sparaincòsa” ciamâ „Slayers“, in dal thriller Giustizia privata (2009), in dla part d'n óm ch'al s vōl far giustìstia da par lò dòp la mòrt ad sò mujēr e 'd sò fiōla, e in dla cumèdia Il cacciatore di ex (2010) a fiànc dla Jennifer Aniston.

In dal 2012 al lavóra cun Gabriele Muccino in Quello che so sull'amore méntar 'l an dòp 'l è stâ prutagunìsta dal thriller Attacco al potere - Olympus Has Fallen cun Aaron Eckhart e Morgan Freeman. In dal 2016 'l à recitâ in d'l aventuróś Gods of Egypt, in dla part ad Seth, e in dal catastròfic Geostorm insém a Ed Harris e a Andy García.

Fra i sò ùltim film a 'rcurdém al pulisiésc Nella tana dei lupi (2018), Attacco al potere 3 - Angel Has Fallen (2019), séguit ad Attacco al potere 2 ad tri an prima, al catastròfic Greenland (2020), in dla part d'l inśgnēr John Garrity, The Plane (2023), in dal rōl 'd un pilòta 'd aparéć, e In the Hand of Dante (2025) trat da 'l rumànś La mano di Dante ad Nick Tosches.

Cuma prudutōr a cap dla cà 'd prudusiòṅ G-Base 'l à fat cgnir fóra pelìculi cuma i thriller Them That Follow - La prova del serpente (2019) e The Bricklayer (2023) e la minisérie 'd òt puntàdi Attacco al potere - Paris Has Fallen.

Butler 'l è put ma al gh'à abû dal stòri cun la Beatrice Luzzi, la Jennifer Aniston, la Jessica Biel e la Mădălina Ghenea, sò culéghi, e pò anc cun la giurnalìsta braśigliàna Glória Maria e cun la mudèla Morgan Brown. In n'intervìsta a 'l HuffPost 'l à dit che da śōvan 'l è andâ anc cun di masć.

Filmugrafìa

1997 - La mia regina (Mrs. Brown), regìa ad John Madden
1997 - Il domani non muore mai (Tomorrow Never Dies), regìa ad Roger Spottiswoode
1998 - Little White Lies, regìa ad Philip Saville – Film TV
1998 - Fast Food, regìa ad Stewart Sugg
1998 - Talos - L'ombra del faraone (Tale of the Mummy), regìa ad Russell Mulcahy
1999 - One More Kiss, regìa ad Vadim Jean
1999 - Il giardino dei ciliegi (The Cherry Orchard), regìa ad Mihalis Kakogiannis
2000 - Harrison's Flowers, regìa 'd Elie Chouraqui
2000 - Dracula's Legacy - Il fascino del male (Dracula 2000), regìa ad Patrick Lussier
2002 - Shooters, regìa ad Colin Teague e Glenn Durfort
2002 - Il regno del fuoco (Reign of Fire), regìa ad Rob Bowman
2003 - Lara Croft: Tomb Raider - La culla della vita (Lara Croft: Tomb Raider – The Cradle of Life), regìa ad Jan de Bont
2003 - Timeline - Ai confini del tempo (Timeline), regìa ad Richard Donner
2004 - Dear Frankie, regìa dla Shona Auerbach
2004 - Il fantasma dell'Opera (The Phantom of the Opera), regìa ad Joel Schumacher
2005 - In campo per la vittoria (The Game of Their Lives), regìa ad David Anspaugh
2005 - Beowulf & Grendel, regìa ad Sturla Gunnarsson
2007 - 300, regìa ad Zack Snyder
2007 - Shattered - Gioco mortale (Butterfly on a Wheel), regìa ad Mike Barker
2007 - P.S. I Love You, regìa ad Richard LaGravenese
2008 - Alla ricerca dell'isola di Nim (Nim's Island), regìa dla Jennifer Flackett e 'd Mark Levin
2008 - RocknRolla, regìa ad Guy Ritchie
2009 - La dura verità (The Ugly Truth), regìa ad Robert Luketic
2009 - Gamer, regìa ad Mark Neveldine e Brian Taylor
2009 - Giustizia privata (Law Abiding Citizen), regìa ad F. Gary Gray
2010 - Il cacciatore di ex (The Bounty Hunter), regìa 'd Andy Tennant
2011 - Coriolanus, regìa ad Ralph Fiennes
2011 - Machine Gun Preacher, diretto da Marc Forster
2012 - Chasing Mavericks - Sulla cresta dell'onda, regìa ad Curtis Hanson e 'd Michael Apted
2012 - Quello che so sull'amore (Playing for Keeps), regìa ad Gabriele Muccino
2013 - Comic Movie (Movie 43), regìa ad regìsta difarènt
2013 - Attacco al potere - Olympus Has Fallen (Olympus Has Fallen), regìa 'd Antoine Fuqua
2016 - Attacco al potere 2 (London Has Fallen), regìa ad Babak Najafi
2016 - Gods of Egypt, regìa 'd Alex Proyas
2016 - Quando un padre (A Family Man), regìa ad Mark Williams
2017 - Geostorm, regìa ad Dean Devlin
2018 - Nella tana dei lupi (Den of Thieves), regìa ad Christian Gudegast
2018 - Hunter Killer - Caccia negli abissi (Hunter Killer), regìa ad Donovan Marsh
2018 - The Vanishing - Il mistero del faro (The Vanishing), regìa ad Kristoffer Nyholm
2019 - Attacco al potere 3 - Angel Has Fallen (Angel Has Fallen), regìa ad Ric Roman Waugh
2020 - Greenland, regìa ad Ric Roman Waugh
2021 - Copshop - Scontro a fuoco (Copshop), regìa ad Joe Carnahan
2022 - Chase - Scomparsa (Last seen alive), regìa ad Brian Goodman
2023 - The Plane (Plane), regìa ad Jean-François Richet
2023 - Operazione Kandahar (Kandahar), regìa ad Ric Roman Waugh
2025 - Nella tana dei lupi 2 - Pantera (Den of Thieves 2: Pantera), regìa ad Christian Gudegast
2025 - Dragon Trainer (How to Train Your Dragon), regìa ad Dean DeBlois
2025 - In the Hand of Dante, regìa ad Julian Schnabel
2026 - Greenland 2: Migration, regìa ad Ric Roman Waugh

Culegamènt estéran

Àtar prugèt

Wikimedia Commons contiene file multimediali su Gerard Butler