George C. Scott

C'l artìcul chè 'l è scrit in Miranduléś

George Campbell Scott, cgnusû méj cuma George C. Scott (Wise, 18 'd Utóbar dal 1927 - Westlake Village, 22 ad Setémbar dal 1999), 'l è stâ 'n atōr, regìsta e prudutōr americàṅ, vinsidōr in dal 1971 dal Prèmi Òscar cuma atōr prutagunìsta p'r al film Patton, generale d'acciaio.

In dal 1990 'l à ardupiâ 'l cartòṅ animâ Bianca e Bernie nella terra dei canguri, dand la vōś a 'l bracunēr McLeach.

Biugrafìa

Uriginàri dla Virgìgna, a òt an al pèrd sò màdar. Carsû c'n al pàdar, dirigènt dla fàbrica 'd màchini Buick, da śōv'n al sarvìs in dal Còrp di Marines fra 'l 1945 e 'l 1949. Durànt i sò studi 'd giurnalìśum a l'Università dal Missouri al taca a pasiunàr-'s a la recitasiòṅ, laureànd-as pò in ingléś e teàtar in dal 1953.

In séguit al taca a lauràr a Broadway, faghénd dgl'òvri 'd William Shakespeare, e pò anc al cìnema in dua 'l cata 'l sucès recìtand in Anatomia di un omicidio (1959) 'd Otto Preminger ch'al gh fruta na nomination a i Prèmi Òscar cuma atōr minga prutagunìsta. In di an Ssanta 'l è sarnî par far di persunàǵ negatìṿ, fórsi par la sò uciàda ch'la parìva dura, cuma Bert Gordon in Lo spaccone (1961), atra candidadùra a i Oscar, e qvéla dal generàł Turgidson, ridìcul e amànt dla guèra, in Il dottor Stranamore - Ovvero: come ho imparato a non preoccuparmi e ad amare la bomba (1964) ad Stanley Kubrick.

Quànd in dal 1971 al vins 'l Oscar dabòṅ al decìd 'd n andàr minga a la premiasiòṅ parchè par lò la serimògna l'éra sōl n' «espuśisiòṅ inùtila 'd carna umàna». Anc 'l an dòp Scott 'l è candidâ a 'l Academy Award par la sò part da prutagunìsta in Anche i dottori ce l'hanno 'd Arthur Hiller ma 'sta vòlta a vìnsar 'l è Gene Hackman p'r Il braccio violento della legge.

In dal 1979 al tōś part a 'l drama 'd Paul Schrader Hardcore in dua 'l fà la part 'd un pàdar cunservadōr, al 'l éra dabòṅ anc in dla vita, ch'al vîṅ a savēr che sò fiōla, ch'la n s cata piò, la s éra misa a far di film pòran. In séguit al gira dū film insém a Harold Becker: Taps - Squilli di rivolta cun Tom Cruise e Sean Penn (1984) e Malice - Il sospetto cun la Nicole Kidman e Alec Baldwin (1993).

Scott al mōr a stant'un an par 'n aneurìśma.

Filmugrafìa

cuma atōr

1956 - Lassù qualcuno mi ama (Somebody Up There Likes Me), regìa ad Robert Wise
1959 - L'albero degli impiccati (The Hanging Tree), regìa ad Delmer Daves
1959 - Anatomia di un omicidio (Anatomy of a Murder), regìa 'd Otto Preminger
1961 - Lo spaccone (The Hustler), regìa ad Robert Rossen
1963 - I cinque volti dell'assassino (The List of Adrian Messenger), regìa ad John Huston
1964 - Il dottor Stranamore - Ovvero: come ho imparato a non preoccuparmi e ad amare la bomba (Dr. Strangelove or: How I Learned to Stop Worrying and Love the Bomb), regìa ad Stanley Kubrick
1964 - Una Rolls-Royce gialla (The Yellow Rolls-Royce), regìa 'd Anthony Asquith
1966 - La Bibbia (The Bible: In the Beginning), regìa ad John Huston
1966 - Due assi nella manica (Not with My Wife, You Don't!), regìa ad Norman Panama
1967 - Carta che vince, carta che perde (The Flim-Flam Man), regìa 'd Irvin Kershner
1968 - Petulia, regìa ad Richard Lester
1970 - Patton, generale d'acciaio (Patton), regìa ad Franklin Schaffner
1970 - Jane Eyre nel castello dei Rochester (Jane Eyre), regìa ad Delbert Mann
1971 - They Might Be Giants, regìa 'd Anthony Harvey
1971 - L'ultima fuga (The Last Run), regìa ad Richard Fleischer
1971 - Anche i dottori ce l'hanno (The Hospital), regìa 'd Arthur Hiller
1972 - I nuovi centurioni (The New Centurions), regìa ad Richard Fleischer
1972 - La notte del furore (Rage), regìa ad George C. Scott
1973 - I duri di Oklahoma (Oklahoma Crude), regìa ad Stanley Kramer
1973 - Il giorno del delfino (The Day of the Dolphin), regìa ad Mike Nichols
1974 - La rapina più pazza del mondo (Bank Shot), regìa ad Gower Champion
1974 - The Savage Is Loose, regìa ad George C. Scott
1975 - Hindenburg (The Hindenburg), regìa ad Robert Wise
1977 - Isole nella corrente (Islands in the Stream), regìa ad Franklin Schaffner
1977 - Il principe e il povero (Crossed Swords), regìa ad Richard Fleischer
1978 - Il boxeur e la ballerina (Movie Movie), regìa ad Stanley Donen
1979 - Hardcore, regìa ad Paul Schrader
1980 - Changeling (The Changeling), regìa ad Peter Medak
1980 - La formula (The Formula), regìa ad John G. Avildsen
1981 - Taps - Squilli di rivolta (Taps), regìa 'd Harold Becker
1982 - Oliver Twist, regìa ad Clive Donner – film TV
1984 - Fenomeni paranormali incontrollabili (Firestarter), regìa ad Mark L. Lester
1986 - Gli assassinii della via Morgue (Murders in the Rue Morgue), regìa ad Jeannot Szwarc – film TV
1990 - L'esorcista III (The Exorcist III), regìa ad William Peter Blatty
1993 - Malice - Il sospetto (Malice), regìa 'd Harold Becker
1995 - Angus, regìa ad Patrick Read Johnson
1997 - La parola ai giurati (12 Angry Men), regìa ad William Friedkin – film TV
1999 - Gloria, regìa ad Sidney Lumet

cuma regìsta

1972 - La notte del furore (Rage)
1974 - The Savage Is Loose

Culegamènt estéran

(EN) Filmugrafìa su IMDb

Àtar prugèt

Wikiquote contiene citazioni di o su George C. Scott
Wikimedia Commons contiene file multimediali su George C. Scott