Geneviève Bujold

Da Wikipedia.

C'l artìcul chè 'l è scrit in Miranduléś Emiliàn

La Geneviève Bujold tòlta śò in dal 1969


La Geneviève Bujold (Montréal, 1 'd Luj dal 1942, a s lèś [ʒən.vjɛːv by.ʒɔld] o ​[ʒən.vjɛːv by.ʒo] in francéś), l'è n'atōra canadéśa candidàda a 'l Prèmi Òscar in dal 1969 cuma atōra prutagunìsta in Anna dei mille giorni in du lē la fava la part dl'Anna Buléna.

La Bujold, ch'l'è andàda a star a Malibù in Califòrgna, la gh'à 'n fiōl, Emmanuel, abû da Dennis Hastings.

Biugrafìa

Uriginària dal Quebec, la Geneviève da baghéta l'è custréta a 'ndàr a na scōla in un cunvènt par dód'ś an parchè i suo i éran dimóndi religióś. P'r al fat ch'la n s la cumpatìva briśa, chi lē però la gh dà 'n taj par tacàr na caréra d'atōra studiànd a 'l Cunservatòri 'd Art Dramàtica dla sò sità. In dal 1966 la ciàpa 'l vōl l'ucaśiòṅ par lavuràr p'r Alain Resnais in La guerra è finita insém a Yves Montand. In cal perìud lè la tōś part a di atri òpri 'd regìsta francéś cuma Louis Malle.

Par la pelìcula Anna dei mille giorni la ciàpa na nomination a i Prèmi Òscar mént'r in di an Stanta la lavóra cun di regìsta impurtànt cuma Brian De Palma in Obsession - Complesso di colpa, Claude Lelouch in Un altro uomo, un'altra donna e Michael Crichton in Coma profondo.

In di an Utànta i gh dànan di rōi impurtànt in Corda tesa, thriller cun Clint Eastwood, Stati di alterazione progressiva e Inseparabili ad David Cronenberg girâ cun Jeremy Irons.

Filmugrafìa

Culegamènt estéran