Fuori di testa (film 1987)
|
C'l artìcul chè 'l è scrit in
Miranduléś |
 Bad Taste | ||
| Fuori di testa | ||
.png) Mike Minett in na figùra dal film | ||
| Fóra 'd tèsta 1987 | ||
|---|---|---|
| Regìa: Peter Jackson | ||
| Scritōr: Peter Jackson • Tony Hiles • Ken Hammon | ||
| Atōr: Peter Jackson • Mike Minett • Terry Potter Pete O'Herne • Craig Smith • Doug Wren | ||
| Müsica: Michelle Scullion | ||
| Léngua: Ingléś • Maòri | ||
| Dürä dal film: 91 minüt | ||
| Nasiōṅ: Śelànda Nóva | ||
Fuori di testa (Fóra 'd tèsta) l'è na cumèdia splatter demensiàla neo-śelandéśa dal 1987 scrita, dirèta e prudóta par Peter Jackson, chè a 'l sò debùt da regìsta e aṿtōr anc di efèt speciài.
L'è stada fata c'n un budget ad vintsìnc-mila dòlar a 'l incìrca e giràda dagnóra tuta a Pukerua Bay in dal nòrd dla regiòṅ ad Wellington. Tut i atōr i èṅ di óm.
Sunt
[mudéfica la surzéia]Dòp la sparisiòṅ ad tuta la gint dla sità ad Kaihoro, 'l “Astro Investigation and Defense Service” (AIDS) la manda i sò agìnt Derek (Peter Jackson), Frank (Mike Minett), Ozzy (Terry Potter) e Barry (Pete O'Herne) a far di indàśin. Lè i càtan di aglièṅ magna-carna ch'i pàran di cristiàṅ e ch'i èṅ a casa.
Barry 'l in masa òṅ, pò di àt'r aglièṅ i daṅ adòs a Derek che, durànt la lòta, al casca śò da na ròca su 'l mâr, strabucànd ad sóta. Par miràcul al n mōr minga ma un pès dal sò sarvèl al salta fóra da la sò tèsta, esénd-'g un bûś in dal sò crani, faghénd-al dvintàr ancóra più fóra 'd tèsta e insiminî rispèt a qvél ch'l éra prima.
In cal méntar un sèrt Giles (Craig Smith) al finìs a Kaihoro e al gh'à subìt da far frònt a 'n àtac d'n aglièṅ. Dòp èsar scapâ via in màchina, al dmanda ajùt busànd a na cà ma dènt'r a gh'è di aglièṅ ch'i al ciàp'n e i al métan in un parōl par cuśinàr-'l al dè dòp in un brôd ad vardùri.
Cla nòt lè Frank, Ozzy e Barry i rìv'n anc lōr in dla cà e i vìn'n a savēr ch'al cap di aglièṅ (Doug Wren) 'l è rivâ lè insém a di sò óm par far sù dla carna umàna da purtàr su 'l sò pianēd.