Fred Ward

C'l artìcul chè 'l è scrit in Miranduléś

Freddie Joe Ward, cgnusû méj cuma Fred Ward (San Diego, 30 ad Dicémbar dal 1942 - Los Angeles, 8 ad Maǵ dal 2022, a s lèś [frɛd wɔːrd] in ingléś) 'l è stâ 'n atōr americàṅ, specialiśâ in rōi da caraterìsta.

Biugrafìa

Sò pàdar 'l éra 'n cherokee puòs cun di prubléma cun la giustìsia. Quànd al gh'iva tri an, sò màdar la s è divìśa da sò marè miténd-as c'n un giustràr.

Prima 'd dvintàr atōr, laurànd a soquànti série televiśìvi a gl'inìsi di an Stanta mént'r al s catàva in Itàglia incruśànd anc Roberto Rossellini, 'l iva fat al pùgil, śbragànd-'s al naś tré vòlti, al buscajōl in Alàska, al cōg, al custòdi e 'l militàr par l'aviasiòṅ di Stat Unî, studiànd pò recitasiòṅ a 'l HB Studio ad New York.

Al sò primi part a 'l cìnema i èṅ stadi qvéli 'd un camiunìsta in dla cumèdia Un nuovo anno, un nuovo amore dal 1974 cun la Sissy Spacek e qvéla 'd un cowboy in dal western Pazzo pazzo West! dal 1975, pelìcula cun Jeff Bridges, Donald Pleasence, Alan Arkin e Alex Rocco.

In séguit 'l à tòlt part a film impurtànt cuma Fuga da Alcatraz (1979), a fiànc ad Clint Eastwood, I guerrieri della palude silenziosa (1981), thriller ad guèra cun Keith Carradine, e 'l drama Silkwood (1983), in dua 'l à fat la part ad Morgan, un mémbar dal sindacâ culéga 'd lavōr dla Meryl Streep. Sèmp'r in di an Utànta 'l à recitâ anc in dal drama stòrig Uomini veri (1983), insém a Scott Glenn, Ed Harris e Dennis Quaid, in dla cumèdia sentimentàla Swing Shift - Tempo di swing (1984), cun prutagunìsta la Goldie Hawn e Kurt Russell, in dal film 'd asiòṅ Il mio nome è Remo Williams (1985), in dla part dal pulisiòt Samuel Makin, e in Saigon (1988) a fiànc ad Willem Dafoe.

In di an Nuànta a 'l arcurdém par la part 'd Earl Bassett in di film ad scarésa Tremors (1990) e Tremors 2: Aftershocks (1996) ma anc par dū film girâ cun Robert Altman (I protagonisti e America oggi) e p'r al pelìculi Ore contate (1990), thriller cun Dennis Hopper e la Jodie Foster, Una pallottola spuntata 33⅓ - L'insulto finale (1994), cun Leslie Nielsen, e Reazione a catena, thriller cun Keanu Reeves e Morgan Freeman.

In di an Dumìla 'l à tòlt part a Il corvo 3 - Salvation, a fiànc dla Kirsten Dunst, a la cumèdia Le avventure di Joe Dirt (2001), in dla part dal pàd'r ad David Spade, a 'l thriller Rivelazione finale (2001), cun la Virginia Madsen, a Via dall'incubo (2002), film da śgriśōr cun prutagunìsta la Jennifer Lopez, e a la cumèdia sentimentàla Tutta colpa dell'amore, in dua 'l à incruśâ la Reese Witherspoon e Patrick Dempsey.

In televiśiòṅ a 'l ém vist in telefìlm cuma L'incredibile Hulk, Grey's Anatomy, E.R. - Medici in prima linea e Leverage - Consulenze illegali.

'L è mòrt a stanta-nóṿ an, dòp ès'r-as spuśâ tré vòlti e avēr abû 'n fiōl cantànt e chitarìsta, Django Ward, da la sò secónda mujēr.

Filmugrafìa

1974 - Un nuovo anno, un nuovo amore (Ginger in the Morning), regìa ad Gordon Wiles
1975 - Pazzo pazzo West! (Hearts of the West), regìa 'd Howard Zieff
1979 - Tilt, regìa ad Rudy Durand
1979 - Fuga da Alcatraz (Escape from Alcatraz), regìa ad Don Siegel
1979 - Cardiac Arrest, regìa ad Murray Mintz
1980 - Carny - Un corpo per due uomini (Carny), regìa ad Robert Kaylor
1981 - I guerrieri della palude silenziosa (Southern Comfort), regìa ad Walter Hill
1982 - Timerider - Una moto contro il muro del tempo (Timerider), regìa ad William Dear
1983 - Uomini veri (The Right Stuff), regìa ad Philip Kaufman
1983 - Silkwood, regìa ad Mike Nichols
1983 - Fratelli nella notte (Uncommon Valor), regìa ad Ted Kotcheff
1984 - Swing Shift - Tempo di swing (Swing Shift), regìa ad Jonathan Demme
1984 - UFOria, regìa ad John Binder
1985 - L'ammiratore segreto (Secret Admirer), regìa ad David Greenwalt
1985 - Il mio nome è Remo Williams (Remo Williams: The Adventure Begins), regìa ad Guy Hamilton
1988 - Saigon (Off Limits), regìa ad Christopher Crowe
1988 - Affari d'oro (Big Business), regìa ad Jim Abrahams
1988 - Il principe di Pennsylvania (The Prince of Pennsylvania), regìa ad Ron Nyswaner
1990 - Tremors, regìa ad Ron Underwood
1990 - Ore contate (Catchfire - Backtrack), regìa ad Dennis Hopper
1990 - Miami Blues, regìa ad George Armitage
1990 - Henry & June, regìa ad Philip Kaufman
1991 - Omicidi e incantesimi (Cast a Deadly Spell), regìa ad Martin Campbell - Film TV
1991 - Le colline del demonio (The Dark Wind), regìa 'd Errol Morris
1992 - Cuore di tuono (Thunderheart), regìa ad Michael Apted
1992 - I protagonisti (The Player), regìa ad Robert Altman
1992 - Equinox, regìa 'd Alan Rudolph
1992 - Bob Roberts, regìa ad Tim Robbins
1992 - Assalto a Tombstone (Four Eyes and Six-Guns), regìa ad Piers Haggard - Film TV
1993 - America oggi (Short Cuts), regìa ad Robert Altman
1993 - Two Small Bodies, regìa dla Beth B
1994 - Una pallottola spuntata 33⅓ - L'insulto finale (Naked Gun 33⅓: The Final Insult), regìa ad Peter Segal
1995 - Un bruit qui rend fou, regìa ad Dimitri de Clercq e 'd Alain Robbe-Grillet
1996 - Tremors 2: Aftershocks (Tremors 2: Aftershocks), video, regìa ad Steven Seth Wilson
1996 - Reazione a catena (Chain Reaction), regìa 'd Andrew Davis
1997 - Un passo verso il domani (...First Do No Harm), regìa ad Jim Abrahams - Film TV
1997 - Best Men - Amici per la pelle (Best Men), regìa dla Tamra Davis
1998 - Padrona del suo destino (Dangerous Beauty), regìa ad Marshall Herskovitz
1999 - La città d'oro (Die goldene Stadt), regìa ad Veit Harlan
2000 - Caccia al serial-killer (Red Team), regìa ad Jeremy Haft
2000 - Decisione estrema (The Chaos Factor), regìa ad Terry Cunningham
2000 - Ropewalk, regìa ad Matt Brown
2000 - Circus, regìa ad Rob Walker
2000 - Road Trip, regìa ad Todd Phillips
2000 - Il corvo 3 - Salvation (The Crow: Salvation), regìa ad Bharat Nalluri
2001 - Le avventure di Joe Dirt (Joe Dirt), regìa ad Dennie Gordon
2001 - Rivelazione finale (Full Disclosure), regìa ad John Bradshaw
2001 - Il sogno di un'estate (Summer Catch), regìa ad Michael Tollin
2001 - Corky Romano - Agente di seconda mano (Corky Romano), regìa ad Rob Pritts
2002 - Abandon - Misteriosi omicidi (Abandon), regìa ad Stepehen Gaghan
2002 - Via dall'incubo (Enough), regìa ad Michael Apted
2002 - A.K.A. Birdseye, regìa ad Stephen Beckner e Michael C. Huber
2002 - Tutta colpa dell'amore (Sweet Home Alabama), regìa 'd Andy Tennant
2003 - Masked and Anonymous, regìa ad Larry Charles
2004 - Funky Monkey, regìa 'd Harry Basil e Gene Quintano
2007 - Feast of Love, regìa ad Robert Benton
2008 - Exit Speed, regìa ad Scott Ziehl
2008 - Management - Un amore in fuga (Management), regìa ad Stephen Belber
2009 - L'affaire Farewell, regìa ad Christian Carion
2009 - The Wild Stallion - Praterie selvagge (The Wild Stallion), regìa ad Craig Clyde
2009 - Blindato (Armored), regìa ad Nimród Antal
2011 - 30 Minutes or Less, regìa ad Ruben Fleischer
2013 - Cani sciolti (2 Guns), regìa ad Baltasar Kormákur
2018 - Tremors, regìa ad Vincenzo Natali - Film TV

Culegamènt estéran

(IT) Filmugrafìa in s'l IMDb