Frankenstein di Mary Shelley
|
C'l artìcul chè 'l è scrit in
Miranduléś |
 Frankenstein | ||
| Frankenstein di Mary Shelley | ||
 Kenneth Branagh in na figùra dal film | ||
| Frankenstein dla Mary Shelley 1994 | ||
|---|---|---|
| Regìa: Kenneth Branagh | ||
| Scritōr: Mary Shelley Steph Lady • Frank Darabont | ||
| Atōr: Robert De Niro • Kenneth Branagh Tom Hulce • Helena Bonham Carter • Ian Holm Aidan Quinn • Richard Briers • John Cleese Robert Hardy • Ryan J-W Smith • Susan Field | ||
| Müsica: Patrick Doyle | ||
| Léngua: Ingléś | ||
| Dürä dal film: 123 minüt | ||
| Nasiōṅ: Stat Unî • Giapòṅ • Régn Unî | ||
Frankenstein di Mary Shelley (Frankenstein dla Mary Shelley) 'l è 'n film ad scarésa dal 1994 ad Kenneth Branagh trat da 'l rumànś Frankenstein dla Mary Shelley. 'L è stâ candidâ a 'n Prèmi Òscar p'r al truc.
La pelìcula l'à fat sù sènt-dódas migliòṅ ad dòlar a frònt 'd un budget ad quarànta-sinc.
Sunt
A la fiṅ dal XVII sécul al siensiâ Victor Frankenstein (Kenneth Branagh) al viṿ a Ginévra insém a i suo, a la sò muróśa Elizabeth (Helena Bonham Carter) e a 'l sò amìg Henry Clerval (Tom Hulce). Al prugèt ch'al gh'à in tèsta 'l è qvél ad dar la vita a di urganìśum mòrt druànd la curènt, tgnénd anc adrē a di studi 'd un sò prufesōr.
Victor al tōś acsè al cadàvar 'd un sasèṅ mòrt impicâ par ciapàr di pès da śuntàr a di àtar cunsèṅ sćiancâ via da dla gint mòrta 'd coléro, pò al fà sù 'n còrp dna criatùra (Robert De Niro) da puciàr in dal lìquid amnòtic ad soquànti dóni gravdi. Dand curènt cun na scarga lètrica, al siensiâ al gh la cava a dar-ag la vita. Frankenstein, spavintâ da qvél ch'l à fat e c'n un sèns ad schiva p'r al móstar, al scapa via méntar la criatùra la s lóga invéci in dal bòsc.