Franco Simone

Da Wikipedia.
Jump to navigation Jump to search

C'l artìcol chè 'l è scrit in Carpśàn Emiliàn

Franco Simone (Acquarica del Capo - Lecce, 21 ed lój dal 1949) 'l è 'n cantavtōr, avtōr e cundutōr ed televiśiòun itagliàṅ.

Al Franc al tachèva a fèr-es cgnùser in dal Fèstival dla Mùśica ed Castrocaro in dal 1972.[1] In dal 1974 al Franco Simone al cantèva in dal Fèstival 'd Sanremo cun la cansòun "Fiume grande", vgnènd acsè fóra anca in dl'Hit Parade itagliàna.[2] Cla cansòun chè "Fiume grande" la tulìva anca dimòndi sucès in dla só versiòun francéśa e spaggnóla (c'n i tìtol rispetivamèint ed "Je ne comprends plus rien" e "Rio Grande"). In dal 1976 al Franco al tulìva al só grand sucès in Itàglia cun la cansòun "Tu... e così sia", ch'a gh'la cavèva 'd andèr al quèrt post in dl'Hit Parade. In di an ch'a gniva dòp, al Franco al tulìva na graṅ popularitê in dl'América Latèina.[3]

In dal 2011 al Franc al vinsìva al Glob 'd ôr per la Cansòun Mjóra "Accanto" dàint'r in dal film Native.[4]

Discugrafìa

45 gìr itagliàṅ

33 gìr - cd - dvd itagliàṅ

Referèinsi

  1. (IT) Almanacco illustrato della canzone italiana edl Eddy Anselmi, Panini Comics Edisiòun, 2009
  2. (IT) Storia dell'Hit Parade ed Dario Salvatori, ed. Gramese, 1989
  3. (IT) Dizionario completo della Canzone Italiana edl Enrico Deregibus, Giunti Editōr, 2010
  4. (IT) Franco Simone vince il Globo d'Oro 2011, ed Giancarlo Passarella, in dal sit musicalnews.com

Colegamèint estèren