Francesca Neri

C'l artìcul chè 'l è scrit in Miranduléś

La Francesca Neri (Trént, 10 ad Favràr dal 1964) l'è n'atōra e prudutōra itagliàna, numinàda sèt vòlti a i Dàvid ad Dunatèl.

Da 'l 1998 l'è ligàda a 'l atōr Claudio Amendola, ch'l'à spuśâ a New York in dal 2010, par dòp separàr-'s in dal 2022. La còpia la gh'à 'n fiōl, Rocco.

Biugrafìa

Dòp ès'r-as diplumàda a 'l Sèntar cinematugràfic sperimentàł, l'à tacâ la sò caréra a la fiṅ di an Utànta fagénd dal parti cichi in soquànt film.

In dal 1990 l'è la prutagunìsta insém a Javier Bardem dal film malnét Le età di Lulù ad Bigas Luna ch'la la fà cgnós'r a livèl internasiunàł. In séguit la tōś part a Pensavo fosse amore... invece era un calesse ad Massimo Troisi (1991), ch'la gh fruta 'n Nàstar 'd Argìnt, e a Al lupo al lupo ad Carlo Verdone (1992). Vèrs la mità di an Nuànta la tórna a lauràr in Spaggna faghénd la muróśa 'd Antonio Banderas in dal dramàtic Spara che ti passa ad Carlos Saura (1993) e pò incóra Carne trémula ad Pedro Almodóvar (1997) in dua l'incróśa na śōvna Penélope Cruz. Par la part dlʼHelena in cla pelìcula chè la vins 'n àtar Nàstar 'd Argìnt.

In dal 1999 la lavóra in dal film Il dolce rumore della vita ad Giuseppe Bertolucci cun l'Alida Valli e la Rosalinda Celentano e pò anc cun sò pàd'r Adriano in dal prugràma televiśìṿ ad sucès Francamente me ne infischio.

A 'l inìsi di an Dumìla la gira dū film americàṅ, Hannibal ad Ridley Scott, in dua la vèst i pagn dla mujēr ad Giancarlo Giannini, e Danni collaterali 'd Andrew Davis, thriller 'd asiòṅ cun Arnold Schwarzenegger, John Leguizamo e John Turturro.

In dal 2003 la gira La felicità non costa niente ad Mimmo Calopresti e 'l an dòp l'intérpreta na preśentadōra sénsa scrùpui in Il siero della vanità 'd Alex Infascelli. La rècita pò in tri film dal bulgnéś Pupi Avati: La cena per farli conoscere (2007), Il papà di Giovanna (2008), ch'al gh fruta un Nàstar 'd Argìnt, e Una sconfinata giovinezza (2010) in dua la fà la mujēr ad Fabrizio Bentivoglio malâ 'd Alzheimer.

Cun la sò cumpagnìa Bess Movie l'à prudót i film Melissa P. e Riprendimi.

Par di prubléma 'd salùt la lasa 'l cìnema in dal 2016.

Filmugrafìa

da atōra

1987 - Il grande Blek, regìa ad Giuseppe Piccioni
1989 - Bankomatt, regìa ad Villi Hermann
1989 - Buon Natale... buon anno, regìa ad Luigi Comencini
1990 - Le età di Lulù (Las edades de Lulù), regìa ad Bigas Luna
1990 - Capitan America (Captain America), regìa 'd Albert Pyun
1991 - Pensavo fosse amore... invece era un calesse, regìa ad Massimo Troisi
1992 - La última frontera, regìa ad Manuel Cussó-Ferrer
1992 - Sabato italiano, regìa ad Luciano Manuzzi
1992 - La corsa dell'innocente, regìa ad Carlo Carlei
1992 - Al lupo al lupo, regìa ad Carlo Verdone
1993 - Spara che ti passa (¡Dispara!), regìa ad Carlos Saura
1993 - Sud, regìa ad Gabriele Salvatores
1995 - Ivo il tardivo, regìa 'd Alessandro Benvenuti
1996 - Il cielo è sempre più blu, regìa 'd Antonello Grimaldi
1996 - La mia generazione, regìa dla Wilma Labate
1997 - Le mani forti, regìa ad Franco Bernini
1997 - Carne trémula, regìa ad Pedro Almodóvar
1998 - Matrimoni, regìa dla Cristina Comencini
1999 - Il dolce rumore della vita, regìa ad Giuseppe Bertolucci
2000 - Io amo Andrea, regìa ad Francesco Nuti
2001 - Hannibal, regìa ad Ridley Scott
2002 - Danni collaterali (Collateral Damage), regìa 'd Andrew Davis
2002 - Ginostra, regìa ad Manuel Pradal
2003 - La felicità non costa niente, regìa ad Mimmo Calopresti
2003 - Per sempre, regìa 'd Alessandro Di Robilant
2004 - Il siero della vanità, regìa 'd Alex Infascelli
2007 - La cena per farli conoscere, regìa ad Pupi Avati
2008 - Il papà di Giovanna, regìa ad Pupi Avati
2010 - Una sconfinata giovinezza, regìa ad Pupi Avati
2012 - Una famiglia perfetta, regìa ad Paolo Genovese
2014 - Il ricco, il povero e il maggiordomo, regìa 'd Aldo, Giovanni e Giacomo e 'd Morgan Bertacca
2015 - La nostra quarantena, regìa ad Peter Marcias
2015 - Senza fiato, regìa ad Raffaele e Fabio Verzillo
2016 - The Habit of Beauty, regìa ad Mirko Pincelli

da prudutōra

2005 - Melissa P., regia ad Luca Guadagnino
2008 - Riprendimi, regia dl'Anna Negri

Culegamènt estéran

Wikiquote contiene citazioni di o su Francesca Neri
Wikimedia Commons contiene file multimediali su Francesca Neri