La trappola (film 2002)
|
C'l artìcul chè 'l è scrit in
Miranduléś |
 Framed | ||
| La trappola | ||
.png) La Bourne e la McClure in na figùra dal film | ||
| La trapla 2002 | ||
|---|---|---|
| Regìa: Daniel Petrie Jr. | ||
| Scritōr: Lynda La Plante • Daniel Petrie Jr. | ||
| Atōr: Rob Lowe • Sam Neill • Alicia Coppola Peter MacNeill • Dorian Harewood • Janet Wright Stewart Bick • Scott Gibson • Kandyse McClure Kim Bourne • Philip Akin • Daniel Boiteau | ||
| Müsica: Joe Kraemer | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî • Régn Unî • Cànada | ||
La trappola (La trapla) 'l è 'n film pulisiésc americàṅ, britànig e canadéś par la televiśiòṅ dal 2002 ad Daniel Petrie Jr.. 'L è stâ girâ a Winnipeg, in dla pruìnsa canadéśa dal Manitòba.
A s trata d'n arfacimènt dla minisérie Framed dal 1992 cun prutagunìsta Timothy Dalton e la Penélope Cruz.
Sunt
[mudéfica la surzéia]Mike Santini (Rob Lowe) al fà 'l pulisiòt a New York in du 'l viṿ insém a sò mujēr Lucy (Alicia Coppola) e a i sò dū baghét, Joel (Daniel Boiteau) e Jay (Trevor Toffan). Durànt na vacànsa in Bahamas, Mike al véd par caś su na barca Eddie Meyers (Sam Neill), un delinquènt ch'al gh'iva da testimuniàr in un prucès cóntar 'n espunènt mafióś, ligâ a qvéla giapunéśa e rusa, ch'al gh'iva 'l incàr'g ad riciclàr bèsi muśnènt. Prima d'l inìsi dal prucès Meyers al gh l'iva cavàda a scapàr via a 'l èstar, insém a 'l sò dó dóni, lʼAngelina Ross (Kandyse McClure) e la Suzanna Ford (Kim Bourne), amànti di śuglèṅ a tri.
Mike al s inśéggna par far arestàr Meyers ch'al finìs acsè in dal prugràma 'd prutesiòṅ di testimòni. Al capitàṅ ad pulisìa MacNamara (Peter MacNeill) e l'agìnta Joan Thomas (Janet Wright), insém a 'l mémbar d'l FBI George Adams (Dorian Harewood), i vrévan che Mike, dascurénd cun Meyers, al pòsa rivàr a far-as dir in dua 'l è stâ lugâ un floppy disk cun la còpia dal tràfic dgl'uperasiòṅ cóntar la léǵ abùdi, anc cun 'l ajùt dna banca amìga ch'la saràva i òć.
Fra Mike e Eddie a taca na guèra psiculògica, cun Eddie ch'l è tròp fùrub par far-as mét'r in un cantòṅ. In cal méntar la famìja 'd Mike la vîṅ spustàda in un sit segrét par di mutìṿ ad sicurésa, sóta 'l cuntròl d'l agìnt Steve Harris (Scott Gibson).