Fnòć

C'l artìcul chè 'l è scrit in Miranduléś

Al fnòć (Foeniculum vulgare) l'è na piànta uriginària dal mar Mediteràni dla famìja dgl'Apiaceae. Al fnòć a s pōl magnàr, còt o crûd, e 'l gh'à 31 calurìi p'r èt. 'L è pòv'r ad gras e pîṅ 'd fibri, inólt'r al pōl anc èsar druâ in madśìna parchè al juta a cumbàt'r i prubléma 'd stómag e dal budèli.

La piànta la pōl crésar da par lē salvàdga (la crés in fiṅ a dū métar cun di ram ch'i fàn'n al fój e di fiōr śai) o cultivàda in di òrt. In cal caś chè la riva a ès'r élta 60–80 cm e la part ch'a s pōl magnàr cuma vardùra l'è qvéla ch'la stà in bas.