Flavio Bucci

C'l artìcul chè 'l è scrit in Miranduléś

Flavio Bucci (Turèṅ, 25 ad Maǵ dal 1947 - Fiumsèṅ, 18 ad Favràr dal 2020, a s lèś ['fla:vjo 'buttʃi] in itagliàṅ) 'l è stâ 'n atōr e ardupiadōr itagliàṅ, vinsidōr 'd un Nàstar 'd Argìnt in dal 1979 par la minisérie televiśìva Ligabue in dua lò 'l iva fat la part dal pitōr Antonio Ligabue.

Biugrafìa

Nâ in Piemònt da na famìja uriginària dla Basitàglia, Flavio da śōv'n al stùddia a 'l Teàtar Stàbil ad Turèṅ, dvintànd 'n atōr ad cìnema, ad televiśiòṅ e 'd teàtar da i an Stanta in avànti.

'L à fat al sò debùt su i schérum grand in dal 1969 tulénd part a 'l film eròtic Le altre, pò in dal 1971 'l à laurâ cun Elio Petri in dal drama La classe operaia va in paradiso cun Gian Maria Volonté e la Mariangela Melato. Al regìsta rumàṅ 'l al ciàma incóra dū an dòp par far-ag far la part dal prutagunìsta in dal film grutésc La proprietà non è più un furto a fiànc 'd Ugo Tognazzi e dla Daria Nicolodi.

In dal 1975 al gira 'l thriller L'ultimo treno della notte, insém a Enrico Maria Salerno e a la Macha Méril. 'L an dòp al rècita in dal drama eròtic La orca, cun prutagunìsta Michele Placido, in dal stòric L'Agnese va a morire, ambintâ in dla pruìnsa 'd Frara, e in dla cumèdia cun Alberto Sordi e la Stefania Sandrelli Quelle strane occasioni. In dal 1977 al fà la part dal pianìsta òrub in dal film ad scarésa Suspiria, cun la Jessica Harper e l'Alida Valli, e pò qvéla 'd un mèdag in dal thriller eròtic Una spirale di nebbia cun l'Eleonora Giorgi.

In di an Utànta a 'l ém vist in dal drama Maledetti vi amerò (1980), cun Pino Daniele in dla part 'd un tòsic, in dla cumèdia Il marchese del Grillo (1981), cun prutagunìsta Alberto Sordi, in Sogno di una notte d'estate (1983), trat da n'òvra 'd William Shakespeare par la regìa ad Gabriele Salvatores, in dla cumèdia Com'è dura l'avventura (1987), a fiànc ad Lino Banfi e Paolo Villaggio, e in dal stòric Secondo Ponzio Pilato (1987), pelìcula cun Lando Buzzanca, Nino Manfredi e la Stefania Sandrelli.

In di an Nuànta a s 'l arcurdém p'r al drama Teste rasate, cun Gianmarco Tognazzi, p'r al grutésc I miei più cari amici, insém a Alessandro Benvenuti l'Athina Cenci, Alessandro Gassmann, l'Eva Robin's e Vito, e par la cumèdia Lucignolo in du 'l fà 'l pàdar ad Massimo Ceccherini.

Fra i sò ùltim lavōr a psém nutàr Volesse il cielo! ad Vincenzo Salemme (2002), la cumèdia Caterina va in città (2003), cun Sergio Castellitto e la Margherita Buy, e 'l biugràfic Il divo (2008), cun Toni Servillo in di pagn ad Giulio Andreotti.

In dla sò caréra 'l à girâ dimóndi telefìlm cuma Ligabue, La piovra, I Promessi Sposi, L'avvocato Guerrieri - Ad occhi chiusi e la La dottoressa Giò cun prutagunìsta la Barbara D'Urso. Cuma ardupiadōr 'l à dâ la vōś a John Travolta in La febbre del sabato sera, Grease - Brillantina, Attimo per attimo, a Sylvester Stallone in Happy Days - La banda dei fiori di pesco, a Richard Cox in Cruising e a Gérard Depardieu in L'ultima donna.

'L è mòrt in dla sò cà par 'n infàrt ch'al gh'iva stanta-dū an.

Filmugrafìa

1969 - Le altre, regìa ad Alex Fallay
1971 - La classe operaia va in paradiso, regìa 'd Elio Petri
1972 - L'amante dell'Orsa Maggiore, regìa ad Valentino Orsini
1972 - Il generale dorme in piedi, regìa ad Francesco Massaro
1973 - La proprietà non è più un furto, regìa 'd Elio Petri
1975 - L'ultimo treno della notte, regìa 'd Aldo Lado
1975 - I giorni della chimera, regìa ad Franco Corona
1975 - Un sistema infallibile, regìa ad Carlo Di Carlo
1976 - La orca, regìa 'd Eriprando Visconti
1976 - L'Agnese va a morire, regìa ad Giuliano Montaldo
1976 - Quelle strane occasioni, episodio Italian Superman, regìa ad Nanni Loy
1977 - Dove volano i corvi d'argento, regìa ad Piero Livi
1977 - Suspiria, regìa ad Dario Argento
1977 - Una spirale di nebbia, regìa 'd Eriprando Visconti
1978 - Circuito chiuso, regìa ad Giuliano Montaldo – Film TV
1978 - Circuito chiuso, regìa ad Giuliano Montaldo
1979 - Gegè Bellavita, regìa ad Pasquale Festa Campanile
1979 - Ammazzare il tempo, regìa ad Mimmo Rafele
1980 - Maledetti vi amerò, regìa ad Marco Tullio Giordana
1980 - Uomini e no, regìa ad Valentino Orsini
1981 - Matlosa, regìa ad Villi Hermann
1981 - Il marchese del Grillo, regìa ad Mario Monicelli
1982 - La montagna incantata, regìa 'd Hans W. Geissendörfer
1983 - Bebawi - Il delitto di via Lazio, regìa ad Michele Massa – Film TV
1983 - Sogno di una notte d'estate, regìa ad Gabriele Salvatores
1984 - L'inceneritore, regìa ad Pier Francesco Boscaro dagli Ambrosi
1985 - Le due vite di Mattia Pascal, regìa ad Mario Monicelli
1985 - Tex e il signore degli abissi, regìa ad Duccio Tessari
1985 - La donna delle meraviglie, regìa 'd Alberto Bevilacqua
1987 - Il giorno prima, regìa ad Giuliano Montaldo
1987 - Max il lentigginoso e i fantasmi (Pehavý Max a strašidlá), regìa ad Juraj Jakubisko
1987 - Il mistero del panino assassino, regìa ad Giancarlo Soldi
1987 - Com'è dura l'avventura, regìa ad Flavio Mogherini
1987 - Secondo Ponzio Pilato, regìa ad Luigi Magni
1988 - Gli angeli del potere, regìa ad Giorgio Albertazzi – Film TV
1988 - La posta in gioco, regìa ad Sergio Nasca
1992 - Einer stirbt bestimmt, regìa ad Rainer Bär – Film TV
1992 - Anni 90, regìa 'd Enrico Oldoini
1992 - Pierino Stecchino, regìa ad Claudio Fragasso – mai distribuî
1992 - Amami, regìa ad Bruno Colella
1993 - Teste rasate, regìa ad Claudio Fragasso
1994 - Quando le montagne finiscono, regìa ad Daniele Carnacina
1995 - La dottoressa Giò - Una mano da stringere, regìa ad Filippo De Luigi – Film TV
1997 - Fratelli coltelli, regìa ad Maurizio Ponzi
1998 - Frigidaire - Il film, regìa ad Giorgio Fabris
1998 - I miei più cari amici, regìa 'd Alessandro Benvenuti
1999 - Lucignolo, regìa ad Massimo Ceccherini
1999 - Muzungu, regìa ad Massimo Martelli
2001 - Come si fa un Martini, regìa ad Kiko Stella
2001 - Hotel Dajti, regìa ad Carmine Fornari
2002 - Volesse il cielo!, regìa ad Vincenzo Salemme
2003 - Lettere al vento, regìa 'd Edmond Budina
2003 - Caterina va in città, regìa ad Paolo Virzì
2005 - Il silenzio dell'allodola, regìa ad David Ballerini
2005 - L'uomo spezzato, regìa ad Stefano Calvagna
2007 - Lezioni di volo, regìa dla Francesca Archibugi
2008 - L'avvocato Guerrieri - Ad occhi chiusi, regìa 'd Alberto Sironi – Film TV
2008 - Il divo, regìa ad Paolo Sorrentino
2008 - La morte di pietra, regìa ad Roberto Lippolis
2009 - Fly Light, regìa ad Roberto Lippolis
2010 - Border Line, regìa ad Roberto Lippolis
2012 - La scomparsa di Patò, regìa ad Rocco Mortelliti
2016 - La grande rabbia, regìa ad Claudio Fragasso
2017 - Il vangelo secondo Mattei, regìa 'd Antonio Andrisani e 'd Pascal Zullino
2017 - Agadah, regìa 'd Alberto Rondalli
2018 - La cornice, regìa ad Nour Aya
2018 - Sotto il segno della vittoria, regìa ad Modestino Di Nenna
2019 - Il grande passo, regìa 'd Antonio Padovan
2019 - Credo in un solo padre, regìa ad Luca Guardabascio
2020 - Sassiwood, regìa 'd Antonio Andrisani – pòstum
2021 - Psychedelic, regìa ad Davide Cosco – pòstum
2021 - Senza far rumore, regìa ad Luca Guardabascio – pòstum

Culegamènt estéran

Àtar prugèt

Wikiquote contiene citazioni di o su Flavio Bucci
Wikimedia Commons contiene file multimediali su Flavio Bucci