Flags of Our Fathers
|
C'l artìcul chè 'l è scrit in
Miranduléś |
 Flags of Our Fathers | ||
 Kelly, Phillippe, Beach e Bradford in na figùra dal film | ||
| Al bandéri di nòstar pàdar 2006 | ||
|---|---|---|
| Regìa: Clint Eastwood | ||
| Scritōr: William Broyles Jr. • Paul Haggis James Bradley • Ron Powers | ||
| Atōr: Ryan Phillippe • Adam Beach • Jesse Bradford Barry Pepper • Joseph Cross • John Slattery John Benjamin Hickey • Neal McDonough Jamie Bell • Melanie Lynskey • Robert Patrick Paul Walker • Tom McCarthy • David Patrick Kelly | ||
| Müsica: Clint Eastwood | ||
| Léngua: Ingléś | ||
| Dürä dal film: 135 minüt | ||
| Nasiōṅ: Stat Unî | ||
Flags of Our Fathers (Al bandéri di nòstar pàdar) 'l è 'n film ad guèra americàṅ dal 2006 ad Clint Eastwood, candidâ a dū Prèmi Òscar p'r al sunôr e p'r al muntàǵ sunôr mént'r al regìsta, ch'l à dirèt un film in dal stés an da 'l tìtul Lettere da Iwo Jima cuntànd però la vicénda da 'n punt ad vista giapunéś, 'l è stâ numinâ a i Golden Globe.
Custàda nuànta migliòṅ ad dòlar, la pelìcula la 'n à purtâ a cà dagnóra ssanta-siē.
Sunt
[mudéfica la surzéia]Durànt la secónda guèra mundiàla, dòp ès'r-as preparâ in un camp 'd adestramènt in di Hawaii, al 28śum Regimènt dla Marìna e la quìnta Diviśiòṅ dla Marìna d'l eśèrcit americàṅ, cun 'l ajùt di Marines, i partìsan par cumbàt'r a Iwo Jima, ìśula giapunéśa dal sud in mèś a 'l ucéan Pasìfic.
Mént'r i suldâ i móntan sù vèrs al mònt Suribachi, par cunquistàr-al, i giapunéś, ch'i s éran lugâ bèṅ, i vèr'n al fōg e 'l è 'n masèl, da na banda e da cl'atra. Al farmacìsta dla marìna John Bradley dit Doc (Ryan Phillippe) al s dà da far par salvàr dal viti fra i frî mént'r a 'n plutòṅ a gh vîṅ urdnâ ad piantàr na bandéra americàna lè insìma.
Quànd in séguit al segretàri dla Marìna James Forrestal (Michael Cumpsty) al dmanda 'd andàr-la a tōr p'r avēr-la lò, al culunèl Chandler Johnson (Robert Patrick) al manda òṅ di sò óm, Rene Gagnon (Jesse Bradford), par mét'r-ag n'atra a 'l sò pòst. Méntar chi lò al tira sù na secónda bandéra, jutâ par Bradley, p'r al sargìnt Mike Strank (Barry Pepper), p'r al suldâ natìṿ americàṅ Ira Hayes (Adam Beach), p'r al capuràł Harlon Block (Benjamin Walker) e p'r al suldâ Franklin Sousley (Joseph Cross), Joe Rosenthal (Ned Eisenberg) al gh fà na fóto.
La batàja però la n è minga finìda. In dal stmani a vgnir i pèrdan la vita lè Strank, al sargìnt Hank Hansen (Paul Walker), Harlon, Ralph Ignatowski dit Iggy (Jamie Bell) e Franklin méntar Bradley 'l armàgn frî da na bómba.
La fóto 'd Rosenthal la riva in di Stat Unî e la fà 'l gir ad tut i giurnài, faghénd-ag vìns'r al prèmi Pulitzer. La figùra di siē óm cun la bandéra, sìmbul 'd un sucès ch'al pōl purtàr dla fēd e fidùcia in dal mèś dna guèra lunga e pēśa, la dvènta subìt un strumènt ad prupagànda. Interugâ su ch'i fùs'n i sò cumpàgn tirâ śò insém a lò, Rene al fà i nóm śbaliànd però Harlon cun Hank. I tri ragàs scampâ dla fóto i tórnan a cà p'r incuntràr al presidènt Harry S. Truman (David Patrick Kelly) e par far un gir dal paéś, druâ par dmandàr a la gint ad cumpràr di bòṅ ad guèra par muciàr sù di bèsi p'r al paéś ch'l è in śnòć da 'n punt ad vista finansiàri.
I tri śōv'n i vìnan tratâ da eróe anc se chi lōr i n èṅ minga 'd acòrd 'd èsar batśâ in cla manéra lè, specialmènt Ira (Adam Beach) ch'al taca a dvintàr 'n imbariagòs. Par lò la vita la s fà dûra, ugèt 'd epiśòdi ad rasìśum, custrét a lauràr in di camp, al mōr ad fréd 'n an dòp, a séguit dna nòt ad bvudi. Rene, ch'in cal mént'r al s è spuśâ cun la sò muróśa Pauline Harnois (Melanie Lynskey), 'l è custrét a tiràr avànti faghénd al custòdi, méntar Bradley al gh la cava a lauràr cuma becamòrt. In dal 1994, in punt ad mòrt (George Grizzard), al cata 'l curàǵ ad cuntàr la sò vita a sò fiōl James (Tom McCarthy).