Festivalfilosofia
Artéccol in dialètt mudnés
Al Festivalfilosofia 'l è na manifestasiòun culturèla itagliàna che da 'l 2001 la gh'è tót i an in tri sitê dla pruvèinsa ed Mòdna, oséa Mòdna, Chèrp e Sasól.
Al Festival[modifica | mudéfica la surzéia]
Al festival al gh'è tót i an ala fin dla smana ed metê ed setèmber e 'l gh'à dal lesiòun magistrèli, dal mòstri d'êrt, ginta ch'la sòuna, félm, zōg e magnèdi sèimper a téma; al téma, ch'l è diferèint an per an, 'l è 'n argumèint d'arèint a la filośoféa. Per tùta la durèda dla fin dla smana, venerdè, sàbet e dmènga, i s fan di discórs in dal piàsi, in di teàter e in dal cési dal trî sitê. Tót i evèint i n'còsten gninta.
In dal pasèr di an a 'l festival i an tolt pèrt dla ginta importànt in dal camp dla filosoféa e ménga sól cla lè, acsè cóm ad esèimpi Enzo Bianchi e Jeremy Rifkin.
In dl'edisiòun dal 2007 a gh éren pió ed 130 000 cristiàn e pió ed 100 000 in quèla dal 2008[1]
Tema di festivàl[modifica | mudéfica la surzéia]
Tót i an a 'l festival al gh'à un téma diferèint:
- 2001: felicitê
- 2002: blèssa
- 2003: vétta
- 2004: mònd
- 2005: sensi
- 2006: umanitê
- 2007: savér
- 2008: fantaséa
- 2009: comunitê
- 2010: furtóna
- 2011: natùra
- 2012: śavàj
- 2013: amèr
- 2014: glòria
- 2015: ereditê
- 2016: agonìśem
Manéri 'd dìr[modifica | mudéfica la surzéia]
- (MUD) Da quand i fan al Festival dla Filosofia, chè in piaza a a-n s cata piò un ignorant per fèr do ciacri.[2]
Guèrda anch[modifica | mudéfica la surzéia]
- "Festivaletteratura" ed Mantua
- "Festival della Filosofia" ed Ròma
Nòti[modifica | mudéfica la surzéia]
- ↑ (IT) Na descrisiòun in dla réda.
- ↑ (MUD) e (IT) La paśna Feisbùk ed Secànd mè. Diario popolare modenese.
Ligamèint ed fóra[modifica | mudéfica la surzéia]
- (IT) Al sit uficèl dal festival in dla réda.