Festa per il compleanno del caro amico Harold
|
C'l artìcul chè 'l è scrit in
Miranduléś |
 The Boys in the Band | ||
| Festa per il compleanno del caro amico Harold | ||
 Nelson, La Tourneaux e Luckinbill in na figùra dal film | ||
| Fèsta p'r al cumpleàn dal câr amìg Harold 1970 | ||
|---|---|---|
| Regìa: William Friedkin | ||
| Scritōr: Mart Crowley | ||
| Atōr: Leonard Frey • Kenneth Nelson • Cliff Gorman Frederick Combs • Peter White • Robert La Tourneaux Laurence Luckinbill • Reuben Greene • Keith Prentice | ||
| Müsica: Martha and the Vandellas • Wilson Pickett Marvin Gaye • Cole Porter • Burt Bacharach | ||
| Léngua: Ingléś | ||
| Dürä dal film: 127 minüt | ||
| Nasiōṅ: Stat Unî | ||
Festa per il compleanno del caro amico Harold (Fèsta p'r al cumpleàn dal câr amìg Harold) 'l è 'n film dramàtic dal 1970 ad William Friedkin, trat da n'òvra teatràla 'd Mart Crowley.
La pelìcula, la prima a Hollywood a tratàr ciàr e tónd al mónd di omosesuài e a druàr la paròla “figa” in un film mainstream, l'è custàda sinc migliòṅ e mèś ad dòlar.
Sunt
[mudéfica la surzéia]Al catòlig ma gay Michael (Kenneth Nelson), atōr na quànc vòlta c'n al visi dla butìglia, al decìd ad dar na fèsta in dal sò apartamènt a Manhattan p'r al cumpleàn dal sò amìg Harold (Leonard Frey), fnòć anc lò dimónd cìnic e cun na léngua da dandy ch'la spara dal cativèri a róta 'd còl. Chi lò al gh'à la pèl dla ghigna cun di brut ségn, un quèl ch'al patìs dimóndi.
A la serimògna i vìn'n invidâ anc di àt'r amìg omosesuài dal grup: al prufesōr ad matemàtica Hank (Laurence Luckinbill), ch'l è spuśâ ma ch'al riva lè insém a 'l sò amànt futógrafar Larry (Keith Prentice), la chéca Emory (Cliff Gorman) ch'la n taś mai e ch'la fà 'l designer 'd intéran, Donald (Frederick Combs), un nevròtig ch'al và da 'n psicanalìsta, e 'l cumés dna librerìa Bernard (Reuben Greene). A 'l ùltim a riva anc Alan McCarthy (Peter White), èx cumpàgn universitàri 'd Michael, in criśi cun sò mujēr.
Quànd 'l è 'l mumènt ad tiràr fóra la tórta e 'd vèrar i rìgar, Emory al diś ch'al suo 'l è 'n cowboy gigolò (Robert La Tourneaux).