Faye Dunaway
|
C'l artìcul chè 'l è scrit in
Miranduléś |
La Dorothy Faye Dunaway (Bascom, 14 ad Śnar dal 1941, a s lèś [feɪ dʌnəˈweɪ] in ingléś) l'è n'atōra americàna, vinsidōra dal Prèmi Òscar dal 1977 cuma atōra prutagunìsta in Quinto potere ad Sidney Lumet, dòp anc dū candidadùri par Gangster Story, in dua la fava la part dla criminàla Bonnie Parker, e Chinatown, un noir ad Roman Polański cun Jack Nicholson.
L'à vins anc un Prèmi BAFTA p'r E venne la notte, al sò debùt a 'l cìnema, dū Dàvid ad Dunatèl e 'n Emmy Award.
Fra i sò àtar film a 'rcurdém al catastròfic L'inferno di cristallo, girâ insém a Steve McQueen, Paul Newman e Fred Astaire (1974), al thriller Occhi di Laura Mars cun Tommy Lee Jones (1978), al biugràfic Mammina cara su la vita dla Joan Crawford (1981), Insoliti criminali ad Kevin Spacey (1996), L'ultimo appello cun Chris O'Donnell e Gene Hackman (1996) e Le regole dell'attrazione (2002).
Prima 'd avēr sucès a 'l cìnema, in di an Ssanta l'à recitâ dimóndi a Broadway, lavōr ch'l'à alternâ in séguit a dal part fati in soquànt telefìlm cuma Cristoforo Colombo 'd Alberto Lattuada (1985), Colombo (1993), Alias (2002-2003), CSI - Scena del crimine (2006) e Grey's Anatomy (2009).
In dal 1989 e in dal 1990 l'à prudót dū film par la televiśiòṅ in dua l'à anc recitâ: al dramàtic La straniera e al thriller Silhouette.
La Dunaway, ch'la gh'à na stéla in dla Hollywood Walk of Fame, la s è spuśàda dū vòlti, c'n al cantànt Peter Wolf e c'n al futógrafar Terry O'Neil. La gh'à abû anc dal stòri cun Jerry Schatzberg e cun Marcello Mastroianni.
Filmugrafìa
.jpg)
- 1967 - E venne la notte (Hurry Sundown), regìa 'd Otto Preminger
- 1967 - Cominciò per gioco... (The Happening), regìa 'd Elliot Silverstein
- 1967 - Gangster Story (Bonnie and Clyde), regìa 'd Arthur Penn
- 1968 - Il caso Thomas Crown (The Thomas Crown Affair), regìa ad Norman Jewison
- 1968 - Amanti, regìa ad Vittorio De Sica
- 1969 - Il capitano di lungo... sorso (The Extraordinary Seaman), regìa ad John Frankenheimer
- 1969 - Il compromesso (The Arrangement), regìa 'd Elia Kazan
- 1970 - Il piccolo grande uomo (Little Big Man), regìa 'd Arthur Penn
- 1970 - Mannequin - Frammenti di una donna (Puzzle of a Downfall Child), regìa ad Jerry Schatzberg
- 1971 - Unico indizio: una sciarpa gialla (La maison sous les arbres), regìa ad René Clément
- 1971 - Doc, regìa ad Frank Perry
- 1973 - I duri di Oklahoma (Oklahoma Crude), regìa ad Stanley Kramer
- 1973 - I tre moschettieri (The Three Musketeers), regìa ad Richard Lester
- 1974 - Chinatown, regìa ad Roman Polański
- 1974 - Milady (The Four Musketeers), regìa ad Richard Lester
- 1974 - L'inferno di cristallo (The Towering Inferno), regìa ad John Guillermin
- 1975 - I tre giorni del Condor (Three Days of the Condor), regìa ad Sydney Pollack
- 1976 - Quinto potere (Network), regìa ad Sidney Lumet
- 1976 - La nave dei dannati (Voyage of the Damned), regìa ad Stuart Rosenberg
- 1978 - Occhi di Laura Mars (Eyes of Laura Mars), regìa 'd Irvin Kershner
- 1979 - Il campione (The Champ), regìa ad Franco Zeffirelli
- 1980 - Delitti inutili (The First Deadly Sin), regìa ad Brian G. Hutton
- 1981 - Mammina cara (Mommie Dearest), regìa ad Frank Perry
- 1983 - L'avventuriera perversa (The Wicked Lady), regìa ad Michael Winner
- 1984 - Prova d'innocenza (Ordeal by Innocence), regìa ad Desmond Davis
- 1984 - Supergirl - La ragazza d'acciaio (Supergirl), regìa ad Jeannot Szwarc
- 1987 - Barfly - Moscone da bar (Barfly), regìa ad Barbet Schroeder
- 1988 - La partita, regìa ad Carlo Vanzina
- 1988 - Bruciante segreto (Burning Secret), regìa 'd Andrew Birkin
- 1989 - In una notte di chiaro di luna, regìa dla Lina Wertmüller
- 1989 - Aspetta primavera, Bandini (Wait Until Spring, Bandini), regìa ad Dominique Deruddere
- 1989 - La straniera (Cold Sassy Tree), regìa dla Joan Tewkesbury - film TV
- 1990 - Silhouette, regìa ad Carl Schenkel - film TV
- 1990 - Il racconto dell'ancella (The Handmaid's Tale), regìa ad Volker Schlöndorff
- 1992 - Indagine allo specchio (Double Edge), regìa 'd Amos Kollek
- 1993 - Il valzer del pesce freccia (Arizona Dream), regìa 'd Emir Kusturica
- 1993 - Maledetta ambizione (The Temp), regìa ad Tom Holland
- 1995 - Don Juan De Marco - Maestro d'amore (Don Juan DeMarco), regìa ad Jeremy Leven
- 1996 - Dunston - Licenza di ridere (Dunston Checks In), regìa ad Ken Kwapis
- 1996 - Insoliti criminali (Albino Alligator), regìa ad Kevin Spacey
- 1996 - L'orgoglio di un figlio (The Twilights of the Golds), regìa ad Ross Kagan Marks
- 1996 - L'ultimo appello (The Chamber), regìa ad James Foley
- 1999 - Jack lo squartatore (Love Lies Bleeding), regìa ad William Tannen
- 1999 - Gioco a due (The Thomas Crown Affair), regìa ad John McTiernan
- 1999 - Giovanna d'Arco (Joan of Arc), regìa ad Luc Besson
- 2000 - The Yards, regìa ad James Gray
- 2002 - Changing Hearts, regìa ad Martin Guigui
- 2002 - Le regole dell'attrazione (The Rules of Attraction), regìa ad Roger Avary
- 2002 - The Calling, regìa ad Damian Chapa
- 2004 - Blind Horizon - Attacco al potere (Blind Horizon), regìa ad Michael Haussman
- 2004 - Last Goodbye, regìa ad Jacob Gentry
- 2004 - El padrino, regìa ad Damian Chapa
- 2004 - Jennifer's Shadow, regìa ad Daniel de la Vega e 'd Pablo Parés
- 2005 - Ghosts Never Sleep, regìa ad Steve Freedman
- 2006 - Love Hollywood Style, regìa ad Michael Stein
- 2006 - Rain, regìa ad Craig DiBona
- 2006 - Cut Off, regìa ad Gino Cabanas
- 2007 - Cougar Club, regìa ad Christopher Duddy
- 2007 - Say it in Russian, regìa ad Jeff Celentano
- 2007 - Blade Gen - The Gene Generation, regìa ad Pearry Reginald Teo
- 2008 - La rabbia, regìa ad Louis Nero
- 2008 - Flick, regìa ad David Howard
- 2009 - The Magic Stone, regìa ad Jowita Gondek
- 2009 - The Seduction of Dr. Fugazzi, regìa 'd October Kingsley
- 2009 - Balladyna, regìa ad Dariusz Zawiślak
- 2009 - 21 and a Wake-Up, regìa ad Chris McIntyre
- 2016 - The Bye Bye Man, regìa dla Stacy Title
- 2017 - The Case for Christ, regìa ad Jon Gunn
- 2017 - Inconceivable, regìa ad Jonathan Baker
- 2022 - L'uomo che disegnò Dio, regìa ad Franco Nero
Culegamènt estéran
Àtar prugèt
Wikiquote contiene citazioni di o su Faye Dunaway
Wikimedia Commons contiene file multimediali su Faye Dunaway
