Fantasmi
|
C'l artìcul chè 'l è scrit in
Miranduléś |
 Phantasm
| ||
| Fantasmi | ||
 A. Michael Baldwin in na figùra dal film | ||
| Fantàśma 1979 | ||
|---|---|---|
| Regìa: Don Coscarelli | ||
| Scritōr: Don Coscarelli | ||
| Atōr: A. Michael Baldwin • Reggie Bannister Bill Thornbury • Angus Scrimm • Susan Harper Kathy Lester • Terrie Kalbus • Kenneth V. Jones | ||
| Müsica: Fred Myrow • Malcolm Seagrave | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
Fantasmi (Fantàśma) 'l è 'n film ad scarésa fantaśióś girâ in dal 1979 par Don Coscarelli, ch'al 'l à anc scrit, c'n un budget ad sōi tarśènt-mila dòlar. La pelìcula la 'n à pò muciâ sù dódas migliòṅ a 'l incìrca.
Al gh'à abû anc tri séguit: Fantasmi II dal 1988, Fantasmi III - Lord of the Dead dal 1994 e Phantasm IV: Oblivion dal 1998.
Sunt
Tommy (Bill Cone), dòp avér cgnusû na dóna vistìda 'd vióla, al decìd ad purtàr-la in un simitèri par far na quàlc purcàda sèg ma a gh và mâl parchè chi lē la gh mòla na scurtlàda cupànd-al. A dir dabòṅ lì lē la n è briśa na fémna ma 'n óm ch'al s pòrta adrē al scutmàj ad Tall Man (Angus Scrimm), 'l Óm Élt. A 'l funeràl i tōśan part dū di sò amìg, Reggie (Reggie Bannister) e Jody (Bill Thornbury) e da luntàṅ anc al fradèl più pìcul ad qvést chè, Mike (A. Michael Baldwin), ch'l i tîṅ 'd òć c'n al binòcul.
Mike 'l à pardû i sò genitōr da pôc e al gh'à paùra ch'a pòsa sucédar quèl anc a Jody. Dòp la serimògna, al baghét al véd ch'al becamòrt, che pò al sarés al Tall Man in parsòna, al n saplìs minga la casa da mòrt ma al la pòrta dèntar. Curióś ad savér-an da piò, Mike al gh và a drē e acsè al pōl védar che lò al fà dvintàr i cadàvar di naṅ ciamâ lurkers par pò mandàr-i, par 'n us spasi-tempuràl, in na dimesiòṅ a part in dua 'l i dróa cuma di sèruv. In dal sò còmpit, al Tall Man al s sarvìs ad bòci vulànti ad metàl chi èṅ bòni ad cupàr śbuśénd i tésć dal vitmi par via dal sò punti ch'i gh sàltan fóra prima dal cuć.