Fōlp

C'l artìcul chè 'l è scrit in Miranduléś

Fōlp
un fōlp
Dominì: Eukaryota
Rèign: Animalia
Sòtrèign: Eumetazoa
Ram: Bilateria
Superphylum: Protostomia
Clâd: Lophotrochozoa
Phylum: Mollusca
Subphylum: Conchifera
Clâsa: Cephalopoda
Sòtclâsa: Coleoidea
Superórdin: Octopodiformes
Órdin: Octopoda
Sòtórdin: Incirrina
Famija: Octopodidae
Gènàr: Octopus
Sòrta: Octopus vulgaris, Cuvier (1797)

Al fōlp (nóm sientìfic Octopus vulgaris, polpo o piovra in itagliàṅ, pōlypus in latìn) 'l è 'n mulùsc cefalòpud dla famìja di Octopodidae.

Al pōl scampàr 'n an, 'n an e mèś a 'l màsim.

Descrisiòn

Al fōlp al viṿ lung al còsti dal mâr Mediteràni, ma anc in àtar mâr e ucéan, sarnénd qvéli più maśagnóśi parchè acsè 'l è più fàcil par lò lugàr-as. Al gh'à tri cōr e òt art impinî 'd vintóśi ciamâ tentàcui ch'al dróa par mōv'r-as e anc par ciapàr dal ròbi. Lung la bóca al gh'à 'n bèc ch'al dróa par śbragàr i gus dal cunchìgli o i carapàś dal bèsti ch'al vōl magnàr.

Cla bèstia chè l'è bòna 'd cambiàr culōr, p'r a n far-as minga védar da i predadōr o par cumunicàr c'n i àtar fōlp anc s'l è piutòst sulitàri. In caś ad perìcul al pōl partìr a raś butànd fóra dl'àqua da 'n sifòṅ o anc stramnàr in gir d'l inciòstar négar.

Al fōlp 'l è dimóndi inteligènt e 'l pōl rivàr a i déś chilo 'd pēś. La sò carna l'è bòna da magnàr.

At pō butàr 'l òć anc su...

Fōlp Paul

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Fōlp
Wikimedia Commons contiene file multimediali su Fōlp