Fîg
|
C'l artìcul chè 'l è scrit in
Miranduléś |
Al fîg (nóm sientìfig Ficus carica) l'è na piànta dla famìja di Musaceae ch'la dà 'n frut dōls c'n al stés nóm, téndar e carnóś, a fórma 'd pir. Uriginàri dl'Àśia Minōr, al crés in di pòst in dua a gh'è 'n clima sub-trupicài temprâ. Al gh'à setsènt spéci difarènti.
'L è bòṅ ad scampàr dimóndi, anc da piò ad sènt an, rivànd a ès'r élt da siē e déś mètar cun dimóndi ram e fój larghi.
I paéś ch'i in prudùśan da piò i èṅ la Turchìa, 'l Egìt, l'Algerìa e 'l Maròc. In di Stat Unî a gh 'n è dimóndi in Califòrgna.
Manéri 'd dir e pruvèrbi
- Dir ch'un quèl o qualchidòṅ 'l è fîg a vōl dir ch'l è dimóndi bèl;
- La figa invéci 'l è 'l òrgan sesuàl ad cal dóni;
- Da 'l nòstri bandi a gh'è 'n pruvèrbi ch'al diś: Pèrśag, fîg e mlòṅ, tut a la sò stagiòṅ. A vōl dir ch'a gh'è 'n tèmp spesìfic par tut.