Exposed - Nell'ombra di un delitto
|
C'l artìcul chè 'l è scrit in
Miranduléś |
 Exposed | ||
| Exposed - Nell'ombra di un delitto | ||
 Reeves e la Sorvino in na figùra dal film | ||
| Exposed - In dl'òra 'd un masamènt 2016 | ||
|---|---|---|
| Regìa: Gee Malik Linton | ||
| Scritōr: Gee Malik Linton | ||
| Atōr: Keanu Reeves • Ana de Armas • Mira Sorvino Ariel Pacheco • Gabe Vargas • Sandy Tejada Venus Ariel • Christopher McDonald • Anthony Ruiz | ||
| Müsica: Carlos José Alvarez | ||
| Léngua: Ingléś • Spagnōl | ||
| Dürä dal film: 102 minüt | ||
| Nasiōṅ: Stat Unî | ||
Exposed - Nell'ombra di un delitto (Exposed - In dl'òra 'd un masamènt) 'l è 'n film dramàtic americàṅ dal 2016 ad Gee Malik Linton ch'al s è firmâ c'n al pseudónim ad Declan Dale. A 'l inìsi p'r al tìtul uriginàł dla pelìcula, giràda a New York, a s éra pinsâ a Daughter of God, pò cambiâ in Exposed.
Al film 'l à muciâ sù pôc a 'l cìnema, gnanc tarśènt-mila dòlar.
Sunt
[mudéfica la surzéia]Al detective Scott Galban (Keanu Reeves) al vōl far luś su 'l masamènt dal polisiòt ch'al lavóra in còpia sèg Joey Cullen (Danny Hoch), scurtlâ in dla metro 'd New York. Al sò cap, al tenènt Galway (Christopher McDonald), al vrév invéci ch'al la tulìs dōlsa parchè Joey 'l éra 'n brut tisi, curót e viulentadōr, e sa gh s andìs in fónd, tut al mars a saltarév fóra, maciànd la reputasiòṅ dal dipartimènt, cun di risć par la pensiòṅ destinàda a la védva dla vitma, la Janine (Mira Sorvino). Scott al và avànti listés e 'l taca a 'vēr di suspèt su 'l malvivènt Jonathan Jones dit Black (Big Daddy Kane).
La sira dal delìt in dla metro a gh'éra anc la śōvna Ana de Armas (Isabel De La Cruz), spuśàda c'n un suldâ in misiòṅ da più d'n an in Iràq, Ismael Cruz Cordova (Jose De La Cruz), e a 'n barbòṅ (Anthony Ruiz). La dóna l'éra drē a turnàr a cà dòp na sira in discutéca cun sò cugnâ Manuel dit Rocky (Gabe Vargas). Dòp la mòrt 'd Ismael in guèra, lʼAna la vîṅ a savēr ad spetàr un putèṅ. La ragàsa l'è sicùra c'a sia sucès un miràcul, in dla metro cla nòt là l'iva vdû 'n àngil tut biànc (Stephen Thompson).