Evil Eyes
|
C'l artìcul chè 'l è scrit in
Miranduléś |
 Evil Eyes | ||
 Adam Baldwin e Udo Kier in na figùra dal film | ||
| Òć catìṿ 2004 | ||
|---|---|---|
| Regìa: Mark Atkins | ||
| Scritōr: Naomi L. Selfman | ||
| Atōr: Adam Baldwin • Jennifer Gates • Udo Kier Mark Sheppard • Kristin Lorenz • Peta Johnson Eric Caselton • Lanre Idewu • Lee Anne Moore Ronald Rezac • Julie Dickens • Mirjam Novak | ||
| Müsica: Eric Carter | ||
| Léngua: Ingléś | ||
| Dürä dal film: 104 minüt | ||
| Nasiōṅ: Stat Unî | ||
Evil Eyes (Òć catìṿ) 'l è 'n film ad scarésa dal 2004 ad Mark Atkins girâ in Califòrgna da la The Asylum c'n un budget 'd un migliòṅ ad dòlar.
In di Stat Unî 'l è vgnû fóra diretamènt p'r al marcâ d'l Home vìddeo.
Sunt
[mudéfica la surzéia]Dòp avēr masâ cun na manàra la sò muróśa, ch'la spetàva 'n putèṅ da lò, Gramm (Eric Caselton) al s tōś la vita dand-as fōg. In cà, mòrt anc lōr, i vìnan catâ i còrp di sò nôn (Lee Hinton e Eleanor Kotzo), genitōr ad lē. Trénta-sinc an dòp al prututōr cinematugràfic George Trueman (Udo Kier) al śibìs a 'l scritōr Jeff Stenn (Adam Baldwin) ad scrìvar na senegiadùra p'r un film ad scarésa ch'al vrév giràr baśàda su la stòria 'd Gramm, ślungànd-ag dal materiàł dal tèmp cuma artìcui ad giurnài e caséti vìddeo. Jeff, ch'al gh'à biśógn ad bèsi parchè dascargâ da 'l sò agìnt, al gh diś ad sè.
George al vrév un scrit pîṅ 'd sànguv ma Jeff al gh'à di prubléma a finìr al sò lavōr p'r un blòc dal scritōr. Al decìd acsè 'd andàr a vìv'r insém a sò mujēr Tree (Jennifer Gates) in dla cà in du 'l è sucès al masèl, al prubléma 'l è ch'al s rénd cònt ch'i brut fat ch'al scriv i sucédan pò dabòṅ. Al sò amìg Peter (Mark Sheppard), ch'al śōga a baseball sèg, al finìs a 'l uśdàł.
Jeff al vrév savēr al parchè e al parcòśa ad cla vicénda lè, specialmènt al mutìṿ ch'l à purtâ Gramm a far fóra la sò famìja. La Tree la gh sugerìs ch'l è fàcil ch'l àppia pardû la tèsta quànd 'l à savû che sò mujēr la gh mitìva i còran, a sucéd sèmp'r acsè, pò la gh diś anc 'd ès'r insìnta. A s vîṅ a savēr che chi lē la gh'à 'n prubléma râr ad daltunìśum, qvél ad scambiàr al rós p'r al vérd, un difèt ch'al gh'iva anc Gramm. Dal putèṅ, o dla putìna, ch'la spetàva sò mujēr a n s è mai savû gnint, a s pōl dar ch'al sia stâ dâ in adusiòṅ.